Փխրուն թխվածքաբլիթներ.Նրբահամ աղանդեր թեյի համար

Այսօր ես ուզում եմ ձեզ պատմել այս համեղ քնքուշ և փխրուն թխվածքաբլիթների մասին: Դրանք հաճախ էին թխում մեր տանը, ես դրանք շատ էի սիրում:

Մեր տանը միշտ տնական տորթեր էին լինում, բայց ես միևնույնն է, շատ եմ սիրում այս թխվածքաբլիթները: Դուք էլ ծանոթացեք այս թխվածքաբլիթների պատրաստման բաղադրատոմսի հետ, սրանք թխվում են շատ հեշտ և այսքան մթերքներից շատ բլիթներ են ստացվում:

Փխրուն թխվածքաբլիթներ. Անհրաժեշտ բաղադրիչները

_Կարագ 130 գր

_Շաքար 80 գր

_Դեղնուց 1 հատ

_Մայոնեզ 3 ճաշի գդալ

_Ալյուր 300-320 գր

_Փխրեցուցիչ 2/3 թեյի գդալ

_Աղ՝ մի պտղունց

_Վանիլին՝ մի պտղունց

Փխրուն թխվածքաբլիթներ. Պատրաստման եղանակը

_Սենյակային ջերմաստիճանի կարագը պատառաքաղով տրորել, ավելացնել շաքարը, աղը և վանիլինը:

_Լցնել դեղնուցը, մայոնեզը և նորից խառնել:

_Շատ լավ խառնել, այնպես, որ շաքարի հատիկներն ամբողջությամբ լուծվեն: Ավելացնել մաղած ալյուրը և փխրեցուցիչը, որը կարելի է փոխարինել 1/2 թ/գ սոդայով:

_Խմորը պետք է լինի փափուկ: Ծածկել և դնել սառնարանը 20 րոպե:

_Խմորը բաժանել 2 մասի և յուրաքանչյուր մասը ոլորել երկար գլանաձև և կտրել կտորներով:

_Տեղափոխել թխվածքաբլիթները յուղաթղթով ծածկված ջեռոցի տապակի վրա:

_Դնել 180 աստիճան տաքացրած ջեռոցը և թխել15 րոպե:

_Պատրաստի թխվածքաբլիթների վրա շաղ տալ շաքարի փոշի:

Ստացվում է ահա այսպիսի պարզ և համեղ թխվածքաբլիթ:

Բարի ախորժակ:

Տեսանյութ

Արագ պեսոչնի պեչենի