Փխրուն տորթ թթվասերով. Կհասցնեք պատրաստել անգամ այն պահին, երբ հյուրերն արդեն իսկապես շեմին են: Այս տորթը պատրաստելու համար հատուկ մթերքներ պետք չեն. Բոլոր բաղադրիչները հաստատ ձեր խոհանոցում կան:
Փխրուն տապակած փշրանքների շերտերը հերթագայվում են շատ նուրբ և չափավոր քաղցր թթվասերով կրեմով: Ցանկության դեպքում դուք կարող եք ավելացնել մի պտղունց վանիլ` բույրի համար, իսկ թթվասերն ավելի լավ է վերցնել 20%, որպեսզի կրեմն ունենա անհրաժեշտ թանձրությունը:
Ի դեպ, տորթի ձեւավորման համար սովորական ձևամանի, կամ բացվող օղակի փոխարեն կարելի է վերցնել սովորական փայլաթիթեղ: Պարզապես ծալեք այն մի քանի շերտով և շրջան կազմեք: Այդ դեպքում էր ձեր փխրուն տորթն անպայման հարթ կստացվի:
Փխրուն տորթ թթվասերով. Անհրաժեշտ բաղադրիչները
- Ցորենի ալյուր 200 գ
- Կարագ 200 գ
- Շաքարավազ 150 գ
- Թթվասեր 500 գ
- Ձու 2 հատ
- Օսլա 2 ճաշի գդալլ
- Ընկույզ ըստ ճաշակի
- Կաթնային շոկոլադ ըստ ճաշակի
Փխրուն տորթ թթվասերով. Պատրաստման եղանակը
- 150 գ սառեցրած կարագը տրորել ալյուրի մեջ, ապա ավելացնել 50 գ շաքար: Բաղադրությունը մանրացնել փշրանքների նման:
- Տաքացնել թավան և տապակել փշրանքներն առանց յուղի մինչև ոսկե դարչնագույն՝ անընդհատ խառնելով:
- Հիմա եկեք պատրաստենք կրեմը: Դա անելու համար խառնել թթվասերը, օսլան, ձվերը և մնացած շաքարը: Խառնուրդը դնել թույլ կրակի վրա և եփել թանձր, առանց գնդիկների կրեմ:
- Մնացած կարագն ավելացնել տաք կրեմի մեջ և լավ հարել: Այժմ մենք կարող ենք հեշտությամբ ձևավորել տորթը ձևամանի կամ օղակի միջոցով:
- Հերթով լցնել բոված փշրանքների շերտ, սեղմել այն, քսել կրեմ, նորից` շերտ: Այսպես շարունակել մինչև բաղադրիչների սպառումը: Տորթը սառնարանում դնել առնվազն 3 ժամ:
- Ընկույզները մանրացնել և քերել շոկոլադը` տորթը զարդարելու համար:
Դուք արդեն կարող եք պատկերացնել, թե որքան համեղ ու փափուկ է ստացվելու այս բազմաշերտ տորթը առանց թխման: Այս հյուրասիրությունը պարզապես հալվում է բերանում: Կարող եք մատուցել այս աղանդերը տոնական և առօրյա սեղանի վրա. Այն միշտ տեղին կլինի:
Փխրուն տորթը թթվասերով պատրաստ է:
Բարի ախորժակ:
Տեսանյութ
Տորթ Անբան Հուռին՝ առանց Ջեռոցի և Գազօջախի․ Հեշտ, արագ և համեղ