Ներկայացնում ենք ձեզ Փոքրիկ էկլերների պարզ բաղադրատոմս:
Այս խմորը եփում են բուսայուղով և ստացվում է հիանալի թխվածք։
Փոքրիկ էկլերներ. Անհրաժեշտ բաղադրիչները
_Ջուր 0,5 բաժակ
_Ալյուր 150 գր
_Արևածաղկի ձեթ 0,5 բաժակ
_Մի պտղունց աղ
_Ձու 3 հատ
Փոքրիկ էկլերներ. Պատրաստման եղանակը
_Ջուրը լցնել հաստ հատակով կաթսայի մեջ, ավելացնել բուսայուղը, աղը և հասցնել եռման աստիճանի։
_Կրակը թուլացնել և մաս-մաս ավելացնել մաղած ալյուրը՝ արագ խառնելով զանգվածը։
_Վերցնել կրակից և հարել, հատ — հատ ավելացնելով ձուն և հունցել զանգվածը։
_Կարելի է հարիչով հարել՝ թույլ արագությամբ։
_Ջեռոցի տապակը ծածկել յուղաթղթով և գդալով կամ խոհարարական պարկի օգնությամբ վրան դնել խմորը։
_Ջեռոցը տաքացնել 200 աստիճանով և թխել 25-30 րոպե, ընթացքում դուռը չբացել:
Էկլերները ստացվում են չեզոք համով, այնպես որ կարող եք դրանք լցնել ոչ միայն քաղցր միջուկով, այլև ձեր ցանկությամբ՝ աղի միջուկով։
Բարի ախորժակ:
Տեսանյութ
Էկլեր. Էկլերի պատրաստում 2 տարբերակով
