Քաղցրաբլիթները կարելի է մատուցել թեյի կամ սուրճի հետ, լրացնել ջեմով, կարագով, ընկույզի կարագով։ Ամեն դեպքում, հաճույքը երաշխավորված է։ Բլիթները պատրաստվում են շատ պարզ և բավականին արագ խմորիչով խմորի համար, ինչը, վստահ ենք՝ կարևոր է:
Մեր կողմից առաջարկվող տարբերակը («խխունջներ») կարող եք փոխարինել ցանկացած ձևով։ Այսինքն՝ նույն խմորից կարելի է պատրաստել միայն կլոր բլիթներ, ինչպես նաև «հյուսեր», «պայտեր» կամ բարդ «ծաղիկներ»։ Ամեն դեպքում կստացվեն գեղեցիկ և օրիգինալ։
Քաղցրաբլիթներ. Անհրաժեշտ բաղադրիչները
_Ալյուր 320 գր
_Ծովի աղ 1 թեյի գդալ
_Շաքարի փոշի 1 ճաշի գդալ
_Կարագ 150 գր
_Չոր խմորիչ 1 թեյի գդալ
_Խմելու ջուր 150 մլ
_Դեղնուց 3 հատ
_Շաքարավազ 2 ճաշի գդալ
Քաղցրաբլիթներ. Պատրաստման եղանակը
_Ալյուրը, աղը և շաքարի փոշին մաղել մի մեծ ամանի մեջ, վրան ակոս անել:
_Կարագը (50 գ) կտրատել փոքր խորանարդներով և թողնել 20 րոպե։
_Խմորիչը լուծել տաք ջրի մեջ, թողնել 15 րոպե, որպեսզի խմորիչը ակտիվանա։
_ Խմորիչով խառնուրդը լցնել ալյուրի խառնուրդից սարքած բլրի փոսիկի մեջ, խառնել։
_Ավելացնել դեղնուցները և մանրակրկիտ խառնել։
_Ավելացնել փափուկ կարագը և հունցել խմորը։
_Ստացված փափուկ խմորը ծածկել մաքուր սրբիչով կամ սննդային թաղանթով և թողնել տաք տեղում, որ բարձրանա, պետք կգա միջինում մոտ մեկ ժամ:
_Խմորը դնել ալյուր ցանած սեղանի վրա։ Բաժանել 10 մասի և յուրաքանչյուրը գնդել միջին չափի նրբերշիկի նման։
_Խմորը փաթաթել խխունջի նման և դնել յուղաթղթղթով ծածկված ջեռոցի տապակի վրա, ծածկել սրբիչով և թողնել տաք տեղում՝ 15 րոպե։
_Ջեռոցը տաքացնել մինչև 190 °C։ Թխել 25 րոպե:
_Մնացած կարագը լցնել շերեփի մեջ և հալեցնել մարմանդ կրակի վրա։
_Դրանով յուղել մի փոքր սառած բուլկիները և վրան շաքարավազ ցանել։
Բարի ախորժակ:
Տեսանյութ
Սիննաբոն բուկիներ
