Բոլորը սիրում են քաղցրավենիք: Ես օրինակ շատ եմ սիրում Քաղցր բուլկիներ կակաոյով: Մեզանից ո՞վ, անցնելով հացի կամ հրուշակեղենի խանութի կողքով, հաճույքով չի ներշնչել թարմ խմորեղենի բույրը։ Անմիջապես մտքներիս են գալիս բուլկիներ՝ կարմրավուն, տաք, դարչինի և վանիլի հոտով:
Հիմա պատկերացրե՛ք բուրավետ բուլկիների համադրությունը տաք սուրճի կամ կաթի հետ. կարո՞ղ է օրվա ավելի լավ սկիզբ լինել:
Քաղցր բուլկիներ կակաոյով. Անհրաժեշտ բաղադրիչները
_Կաթ 300 մլ
_Չոր խմորիչ 2 թեյի գդալ
_Շաքարավազ 100 գր
_Կարագ (հալած) 30 գր
_Ալյուր 550 գր
_Ձու 1 հատ
_Կակաոյի փոշի 2 ճաշի գդալ
_Վանիլ մի պտղունց
Քաղցր բուլկիներ կակաոյով. Պատրաստման եղանակը
_Ընդհանուր քանակից վերցնել 100 մլ կաթ, մի փոքր տաքացնել, խառնել խմորիչը, 1 ճաշի գդալ շաքարավազ և 1-2 ճաշի գդալ ալյուր:
_Ծածկել և դնել տաք տեղում, մինչև մի փոքր հասունանա։
_Հենց խմորիչը հասունանա՝ հունցել փափուկ ճկուն խմոր (դեռ չավելացնել կակաոյի փոշի):
_Ձեզ կարող է անհրաժեշտ լինել մի փոքր ավելի շատ ալյուր, քան նշված է, ամեն ինչ կախված է ալյուրի տեսակից։
_Խմորը բաժանել երկու հավասար մասերի, մի մասում ավելացնել 2 ճաշի գդալ կակաոյի փոշի և մանրակրկիտ խառնել, երկու մասերը ծածկել սրբիչով և դնել տաք տեղ, որ բարձրանա։
_Երբ խմորը բարձրանա, այն պետք է հունցել և թեթև ալյուր ցանած տախտակի վրա խմորի յուրաքանչյուր կտորը գրտնակել մոտ 5 մմ հաստությամբ:
_Խմորի գրտնակված մասերը դնել իրար վրա և լայն բաժակով շրջանակներ կտրատել կամ սեղմել։
_Փոքրիկ բաժակով կտրել մեջտեղի շրջանակ և շրջել։
_Պատրաստի բուլկիները դնել յուղաթղթով ծածկված ջեռոցի տապակի վրա, հարած ձու քսել, թողնել 20 րոպե, որ բարձրանան և թխել 180 աստիճան տաքացրած ջեռոցում 30 րոպե։
Պատրաստի բուլկիներին՝ ցանկության դեպքում կարելի է ցանել շաքարի փոշի։
Բարի ախորժակ:
Տեսանյութ
Սիննաբուն բուլկիներ հատուկ բաղադրատոմսով
