Քաղցր խորտիկ. Հիանալի գաղափար նախաճաշի համար: Այս նախուտեստից չի հրաժարվի անգամ ամենաչուտող երեխան:
Պարզ, օրիգինալ և շատ համեղ բաղադրատոմս: Դուք կարող եք այս ուտեստով աներևակայելի հաճույք պատճառել ձեր սիրելիներին: Նման աղանդերը նաև ախորժելի ու հագեցնող է: Անպայման փորձեք մատչելի մթերքներով պատրաստվող այս համեղությունը:
Քաղցր խորտիկ. Անհրաժեշտ բաղադրիչներ
- Տոստի հաց
- Բանան 2-3 հատ
- Շոկոլադ
- Կարագ
- Ձու 3 հատ
- Շաքար
- Դարչին
Քաղցր խորտիկ. Պատրաստման եղանակը
- Սկզբում մաքրած բանանը կտրատել օղակներով: Այնուհետև կրակին դրված թավայի մեջ հալեցնել կարագը, թող այն հալվի, այնուհետև դրա մեջ դնել բանանները և տապակել մինչև դառնա շիլայի նման:
- Այժմ զգուշորեն կտրել հացի եզրերը՝ թողնելով միայն փափուկ մասը, ապա այն թեթևակի հարթեցնել գրտնակի օգնությամբ:
- Փթաթուկ կտորի վրա լցնել մի փոքր լցոն և փաթաթել ռուլետի նման: Չքանդվելու համար ատամի չոփիկներով ամրացնել: Կարող եք նաև շոկոլադով տարբերակ փորձել, այսինքն, ռուլետների մի մասն անել բանանով, մյուս մասում կեսը բանան լցնել, կեսը` քերած շոկոլադ:
- Տապակի մեջ հալեցնել կարագը, ձվերը կոտրել և հարել պատառաքաղով: Ռուլետները թաթախել ձվի մեջ և տապակել թավայի մեձ երկու կողմից մինչև ոսկե դարչնագույն դառնա:
- Մնում է վերջին քայլը` առանձին հարթ ամանի մեջ խառնել դարչին և շաքարավազ, և թաթախել տապակված ռուլետներն այս խառնուրդում:
Քաղցր խորտիկը պատրաստ է: Ստացվում է շատ պայծառ, համեղ ուտեստ, որը պատրաստվում է պարզ և հեշտությամբ:
Բարի ախորժակ:
Տեսանյութ
Համեղ նախաճաշ
