Շատ օրիգինալ թխվածքաբլիթներ, որը կարելի է պատրաստել ոչ միայն ամեն օրվա համար, այլ նաև որպես տոնական հյուրասիրություն, հատկապես երեխայի ծննդյան օրը։ Ամեն ինչ շատ գեղեցիկ և համեղ է ստացվում։
Օրիգինալ թխվածքաբլիթներ. Անհրաժեշտ բաղադրիչները
_Թթվասեր 100 գր
_Շաքարավազ 80 գր
_Ալյուր մոտ 340 գր
_Կարագ 150 գր
_Դեղնուց 1 հատ
_Կակաո 3 թեյի գդալ
_Կաթ 1 ճաշի գդալ
_Փխրեցուցիչ 0,5 թեյի գդալ
_Վանիլին մի պտղունց
_Աղ՝ ըստ ճաշակի
_Ցանկության դեպքում՝ քնջութի սերմեր
Օրիգինալ թխվածքաբլիթներ. Պատրաստման եղանակը
_Քերել կարագը խոշոր քերիչով մաղած ալյուրի մեջ, ավելացնել մի պտղունց աղ։
_Զանգվածը տրորել՝ վերածելով փշրանքների։
_Թթվասերը խառնել շաքարավազի, վանիլինի, դեղնուցի հետ։
_Ավելացնել փշրանքները, փխրեցուցիչը և շաղախել շատ փափուկ խմոր։
_Բաժանել երկու մասի, մեկին խառնել կակաոն։
Հուշում. Կակաոն թող շատ լինի, կարևոր է, որ այն լինի որակյալ և յուղայնության բարձր տոկոսով, այդ դեպքում այս շերտն ամբողջովին շոկոլադե կլինի։
_Խմորի երկու մասերն էլ 30 րոպեով դնել սառնարանը։
_Մուգ խմորից փաթաթել երկար գլանիկ, իսկ սպիտակ խմորը շերտով գրտնակել։
_Շոկոլադե խմորը դնել սպիտակ խմորի եզրին ու ամուր խողովակաձև փաթաթել։
_Խողովակը գրտնակել մոտ 7 մմ հաստությամբ շերտ ստանալու համար։
_Կտրատել եռանկյունիներով և դնել յուղաթղթով ծածկված ջեռոցի տապակի վրա։
_Տապակը դնել սառնարանում, որ սառչի 20 րոպե։
_Թխվածքաբլիթների վրա քսել կաթ և ցանել քնջութի սերմեր, բայց դա ըստ ցանկության է:
_Թխել 180 աստիճանով մոտ 20 րոպե։
Սա շատ պարզ, համեղ, գեղեցիկ թխվածքաբլիթ է: Քնջութը հիանալի փոխարինվում է հալած շոկոլադով ջնարակով։
Բարի ախորժակ:
Տեսանյութ
Մեղրով շատ համեղ և նրբահամ թխվածքաբլիթ
