Թռչնի կաթ Թխվածք․ Համեղ Նրբություն Տորթ անչափ փափուկ և Հալվող

ՔԱՂՑՐԱՎԵՆԻՔ

Այսօր թխելու ենք երկար սպասված թռչնի կաթ թխվածք ը, մի համեղ նրբություն անչափ փափուկ և հալվող։ Անհնար է սա չփորձել թե պատրաստել, և թե ուտել։

Թռչնի կաթ Թխվածք․ Համեղ Նրբություն Տորթ անչափ փափուկ և Հալվող

Թռչնի կաթ Թխվածք Բաղադրիչներ

Թռչնի կաթ խմոր

  • Կարագ — 100 գր․
  • Շաքարավազ — 200 գր․
  • Ձու — 3 հատ
  • Մեղր — 2 ճ․ գդ
  • Կաթ — 3 ճ․ գդ․
  • Սոդա — 1 թեյի գդալ
  • Քացախ — 1 թ․ գդ․
  • Ալյուր — 3 բաժակ

Թռչնի կաթ Կրեմ

  • Շաքարավազ — 100 գր․
  • Ալյուր — 3 ճ․ գդ․
  • Կաթ — 300 գր․
  • Կարագ — 150 — 200 գր․
  • Վանիլին — 0,5 թ․գդ

Գլազուր

  • Կակաո — 3 ճ․ գդ
  • Շաքարավազ — 3 ճ․գդ․
  • Կաթ կամ ջուր — 100 գր․
  • Կարագ կամ ձեթ — 75 գր․

Թռչնի կաթ Թխվածք․ Համեղ Նրբություն Տորթ անչափ փափուկ և Հալվող

Թռչնի կաթ Թխվածք Բաղադրիչներ

  • Սկսենք կրեմը պատրաստելուց
  • Կաթսայի մեջ լցնենք կես բաժակ կամ 100 գրամ շաքարավազ
  • 3 ճաշի գդալ ալյուր լցնենք
  • Զանգվածը խառնելով ավելացնենք 1,5 բաժակ կամ 300 գրամ կաթ, քիչ քիչ լցնենք և խառնենք բոլոր գնդիկները տարրալուծվեցին դնենք գազօջախին մարմանդ կրակի վրա եփելու
  • Կաթ չունենալու դեպքում ջրով կամ թթվասերով են եփում որոշ տանտիկիններ դա էլ է տարբերակ
  • Եփովի կրեմի մի փոքր այլ տարբերակ ունենք մեր ալիքում, կարող եք դա էլ մտնել և նայել հղումը կլինի տեսանյութի տակ
  • Խառնում ենք սիլիկոնե կամ փայտե բահիկով, որպեսզի գույնը չփոխվի կրեմի
  • Կրեմի այս տարբերակում կարագը, մեր դեպքում համեղ Պրեզիդենտ ապրանքանիշի կարագի 200 գրամանոց տուփը 82% յուղայնությամբ, ամբողջությամբ լցնում ենք կրեմի մեջ և շարունակում հարել մինչև հալվի և անջատում ենք կրակը
  • Ցանկալի է, որ օգտագործվող կարագի յուղայնությունը այս ցուցանիշից ցածր չլինի
  • Կրակից վերցնում ենք և ավելացնում կես թեյի գդալ վանիլին
  • Խառնում ենք և կողքի ենք դնում

Թռչնի կաթ Թխվածք․ Համեղ Նրբություն Տորթ անչափ փափուկ և Հալվող

  • Խմորի համար մեզ մեր համեղ կարագից ևս կես տուփ պետք կգա
  • Շաքարավազ 200 գրամ կավելացնենք
  • 3 ձու կոտրենք
  • 3 ճաշի գդալ կաթ
  • 2-3 ճաշի գդալ մեղր
  • Այս զանգվածը պետք է եփենք գոլորշու վրա մինչև բոլոր բաղադրիչները կհալվեն և կսկսեն պղպղջալ
  • Քանի որ մեր խմորի մեջ մածուն չկա, որ սոդան մարի, ուստի սոդան կմարենք քացախով
  • Մեկ թեյի գդալ սոդայի վրա լցնենք մեկ թեյի գդալ քացախ և սա ավելացնում ենք մեր խմորին
  • Մեղրը ջերմամշակումից կորցնում է իր լավ օգտակար հատկությունները, ավելին ասում են որ բարձր ջերմաստիճանի ազդեցությամբ մեղրի բաղադրությունը վեր է ածվում թունավոր նյութերի միացության
  • Այսինքն այս զանգվածը երկար պահել գոլորշու վրա չարժի
  • Հենց սկսի մի փոքր բարձրանալ ես անջատում եմ կրակը և այսպես տաք տաք վրան ավելացնում եմ ալյուրի մի մասը և թողնում մի փոքր սառչի այսպես
  • Սեղանին հարկավոր է ալյուր լցնել առատորեն, արդեն հովացած խմորի զանգվածը շրջենք ալյուրի մեջ և սկսենք հունցել ալյուրը ըստ անհրաժեշտության ավելացնելով
  • Ալյուրի հիմնական չափսը մոտ 600 գրամ է, բայց դա արդեն կախված է բոլոր բաղադրիչների որակից, պետք է ստանալ փափուկ հաճելի և հեշտ բացվող խմոր, որը կբաժանենք 4 գնդի
  • Չորս շերտը լրիվ բավարար է թռչնի կաթի համար
  • Ալրոտելով յուրաքանչյուր գունդը հենց կալկայի վրա էլ կբացենք և այդ սկզբունքով յուրաքանչյուր գունդը հերթով կթխենք ջեռոցում 180 աստիճանում մոտ 5-7 րոպե, շատ արագ են թխվում ուշադիր կլինեք
  • Արագ հեռացնում ենք կալկան և շարում իրար վրա շերտը շերտի

Թռչնի կաթ Թխվածք․ Համեղ Նրբություն Տորթ անչափ փափուկ և Հալվող

  • Բոլոր շերտերն էլ արդեն պատրաստ են, կրեմն էլ վաղուց սպասում է  իր հերթին, շերտի վրայից վրձնով հեռացնենք ավելորդ ալյուրը և քսենք մեր կրեմը
  • Եթե երբևէ այսպիսի կրեմով չեք փորձել, ապա հավատացնում եմ հրաշալի ներծծվում է, փափկում բամբակի նման, իսկ համն անկրկնելի է
  • Վերջին շերտը բերանքսիվայր շրջենք, որպեսզի հատկապես ուղիղ երես ունենանք, մի փոքր էլ վերջին շերտի վրա եմ կրեմ քսում, որ լրիվ փափկի և դնում ենք կողքի մոտ երկու ժամով որպեսզի լրիվ կրեմ ներծծվի
  • Պատրաստենք համեղ գլազուր
  • 3 ճաշի գդալ կակաոն խառնում ենք 3 ճաշի գդալ շաքարավազի հետ
  • Ավելացնում կես բաժակ ջուր, կաթ այսօր չենք ավելացնի, որպեսզի ավելի մուգ գլազուր ստանանք
  • Մարմանդ կրակի վրա եփենք մինչև պնդանա
  • 50 գրամ կարագ կավելացնենք և 2 ճաշի գդալ ձեթ լավ փայլուն գլազուր ստանալու համար
  • Մի փոքր սառեցնելուց հետո կլցնենք թխվածք ի երեսին
  • Սա դասական թռչնի կաթի բաղադրատոմսն է, իմ մորաքրոջ բաղադրատոմսը, որի հյուր գալուն և իր հետ բերված իր թխած այսպիսի թռնի կաթին միշտ անհամբեր սպասում էինք, երբ դեռ փոքր էինք
  • Կարծում եմ շատերիդ համար էլ ծտի կաթը սիրելի և համեղ մանկության հիշողություն է

Թռչնի կաթ Թխվածք․ Համեղ Նրբություն Տորթ անչափ փափուկ և Հալվող Տեսանյությում

Դե ինչ, բարի ախորժակ։

Facebook Comments
Խնդրում ենք Գնահատեք