Ամենափափուկ տորթը. Մեր ընտանիքի ամենասիրված աղանդերներից մեկը: Միշտ հաճույքով պատրաստում ենք այն: Ստացվում է շատ համեղ, քնքուշ և ախորժելի: Քաղցրավենիքի սիրահարների համար այս բաղադրատոմսն իսկական գտածո է, ավելի լավ ու հեշտ բան դժվար է պատկերացնել:
Ամենափափուկ տորթը. Անհրաժեշտ բաղադրիչներ
- Ձու 4 հատ
- Ալյուր 350 գ
- Յուղ 200 մլ
- Կաթ 180 մլ
- Շաքար 220 գ
- Աղ 1 պտղունց
- Փխրեցուցիչ 24 գ
- Վանիլային յոգուրտ 110 գ
- Վանիլային շաքար 7,5 գ
- Կիտրոնի քերուկ
- Կակաոյի փոշի 1 ճաշի գդալ
Ամենափափուկ տորթը. Ինչպես պատրաստել
- Ձվերը կոտրել խորը ամանի մեջ, ավելացնել աղը և թեթև հարել: Այնուհետև ավելացնել շաքարավազը և մանրակրկիտ հարել:
- Այնուհետև դրա մեջ բուսական յուղ լցնել փոքր մասերով և խառնել: Հաջորդը քայլով լցնել կաթը, շարունակել հարել: Վանիլային յոգուրտը լցնել, հետո էլի հարել:
- Այնուհետև ավելացնել վանիլային շաքարավազը, մեկ կիտրոնի կեղևի քերուկը, և խառնել: Ալյուրը և փխրեցուցիչը միասին մաղել, աստիճանաբար լցնել ամանի մեջ: Խառնել խառնիչով:
- Խմորի մի փոքր մասն առանձնացնել և դրա մեջ լցնել կակաո: Խառնել ամեն ինչ մանրակրկիտ, մինչև միասեռ զանգված դառնա:
- Վերցնել տապակը, յուղել յուղով և վրան ցանել ալյուր:
- Սկզբում լցնել սպիտակ խմորը, վրայից կակաոյով և վերջում` կրկին սպիտակ խմոր:
- Ջեռոցը նախապես տաքացնել 180 աստիճանով, և տորթը թխել 40 րոպե:
Պատրաստի տորթը զարդարել քերած ընկույզով և շոկոլադով:
Ամենափափուկ տորթը պատրաստ է: Ստացվում է պարզապես հիանալի, համեղ ու նուրբ, որը շատ դուր կգա ձեզ և ձեր հյուրերին: Դուք կրկին ու կրկին կպատրաստեք այն:
Բարի ախորժակ:
