Առանց ձվի և կաթնամթերքի թխվածք. Քնքուշ ու փխրուն խմորով ջեմով եղջյուրիկները վայելեք պահքի օրերին

Առանց ձվի և կաթնամթերքի թխվածք. Ջեմով եղջյուրիկներ

Ծոմապահությունը, դիետան և անձնական նախասիրությունները հաճախ ստիպում են մեզ հրաժարվել մեր սիրած թխվածքներից: Եթե ​​սա քեզ համար նույնքան սթրեսային է, որքան ինձ, ապա դու ճիշտ տեղում ես հայտնվել: Ձեր ուշադրությանն եմ ներկայացնում ջեմով թխվածքաբլիթների հրաշալի բաղադրատոմս:

Սրա համար բավական է գազավորված ջուրը խառնել բուսական յուղի և ալյուրի հետ: Բացի ջեմից, կարելի է վերցնել ընկույզներ, մրգեր ու չրեր, կակաչի սերմերը և շոկոլադը նույնպես հարմար են որպես միջուկ: Կարող եք տեսականի պատրաստել, և բոլորը կընտրեն թխվածքաբլիթներն՝ ըստ ճաշակի:

Առանց ձվի և կաթնամթերքի թխվածք. Անհրաժեշտ բաղադրիչները

_Գազով ջուր 100 մլ

_Արևածաղկի ձեթ 90 մլ

_Ցորենի ալյուր 280 գ

_Շաքարի փոխարինիչ 1 բաժակ

_Փխրեցուցիչ 0.5 թեյի գդալ

_Աղ՝ ըստ ճաշակի

_Ջեմ ՝ ըստ ճաշակի

Առանց ձվի և կաթնամթերքի թխվածք. Պատրաստման եղանակը

_Խորը ամանի մեջ լցնել ալյուրը, աղը և փխրեցուցիչը, լավ խառնել:

_Լցնել հանքային ջուրը, թեթևակի հարել, ապա ավելացնել արևածաղկի ձեթ և խմոր հունցել: Եթե ​​այն շատ պինդ է, մի քիչ էլ ջուր ավելացրեք: Իսկ, եթե այն կպչոււմ է ձեռքերին, ապա ալյուր ավելացրեք:

_Ծածկել խմորը և թողնել 10-15 րոպե:

_Խմորը բաժանել երկու մասի: Յուրաքանչյուր կտոր գրտնակել բարակ (1-2 մմ հաստությամբ) կլոր շերտով և կտրել 16 եռանկյունի:

_Ամեն եռանկյունու լայն մասի վրա 0,5 թեյի գդալ թանձր ջեմ դնել և ոլորել թխվածքը: Կարող եք օգտագործել ցանկացած այլ միջուկ:

_Ոլորած խմորեղենը տեղափոխել յուղաթղթով ծածկված ջեռոցի տապակի վրա: Թխել 180 աստիճան տաքացրած ջեռոցում 10-15 րոպե:

_Երբ աղանդերը սառչի, կարող եք դրանց վրա ցանել շաքարի փոշի:

Խմորեղենը պասային է և համեմատաբար ցածր կալորիականությամբ: Այնպես որ, այն դուր կգա բոլոր հյուրերին: Եթե ​​նախատեսում եք հյուրընկալել մեծ ընկերախումբ, խորհուրդ եմ տալիս ավելի շատ թխել: Հավատացեք ինձ, նախքան կհասցնեք հետ նայել, ափսեն դատարկ կլինի:

Բարի ախորժակ

Տեսանյութ

Առանց ձվի թխվածք