Բալի թրմօղի պատրաստելու համար անհրաժեշտ են միայն թարմ հատապտուղներ, շաքարավազ և օղի:
Տնական խմիչքը պատրաստելու համար ընտրեք հասած, առողջ բալ: Այս բաղադրատոմսում առաջարկում ենք օգտագործել բալ առանց կորիզները հանելու։ Եթե այս տարբերակը ձեզ չի համապատասխանում, պարզապես հեռացրեք դրանք: Մենք միայն կզգուշացնենք, որ առանց կորիզների բալի դեպքում կփոխվի խմիչքի համը։
Ամենահամեղ ըմպելիքը ստացվում է բալի քաղցր սորտերից։ Եթե բալը թթու է, ապա ըստ ճաշակի ավելացրեք շաքարավազի քանակը։
Խորհուրդ. Թրմօղին պատրաստելուց հետո մնացած հատապտուղները դեն մի նետեք։ Դրանք կարելի է սառեցնել և օգտագործել տարբեր աղանդերների և տորթերի համար։
Բալի թրմօղի. Բաղադրիչներ
_Բալ 2 կգ
_Շաքարավազ 1 բաժակ
_Օղի 800 մլ
Բալի թրմօղի. Պատրաստման եղանակը
_Լվանալ բալը, հեռացնել պոչերը և լցնել 3 լիտր տարողությամբ բանկայի մեջ։
_Լցնել շաքարավազը և ավելացնել օղին։
_Լավ թափահարեք տարայի պարունակությունը։
_Բանկան փակեք նեյլոնե կափարիչով և դրեք մութ տեղում 2 ամիս։
_Ժամանակ առ ժամանակ մի մոռացեք թափահարել այն:
_2 ամիս անցնելուց հետո քամեք բալի թուրմը և լցրեք շշերի մեջ։
Խմիչքը պատրաստ է!
Ստանում ենք համեղ, քաղցր ըմպելիք, որը դուր կգա թե՛ կանանց, թե՛ տղամարդկանց։ Պատրաստեք հիմա և պահեք գոնե մի շիշ ամանորյա սեղանի համար։
Բարի ախորժակ:
