Բալով բուլկիներ. Յուրահատուկ խմորով ախորժելի թխվածք

Ես իսկապես հպարտանում եմ այս փափուկ ու քնքուշ Բալով բուլկիներ մատուցելիս: Այժմ ձեզ հետ կիսում եմ խմորիչով բուլկիների իմ գաղտնիքը:

Այս խմորն առանձնահատուկ է դարձնում մածունը, որը հազվադեպ է ավելացվում խմորիչով խմորին: Այս մթերքն օգնում է խմորիչին ավելի լավ աշխատել:

Արդյունքում, խմորիչով խմորով բլիթները գրեթե անկշիռ ու նուրբ են:

Բալով բուլկիներ. Բաղադրիչներ

_Ջուր 250 մլ

_Կեֆիր 250 մլ

_Խմորիչ 30 գ

_Շաքարավազ 340 գ

_Ցորենի ալյուր 900 գ

_Աղ 0,5 թեյի գդալ

_Ձու 2 հատ

_Կարագ 50 գ

_Արևածաղկի ձեթ 50 մլ

_Վանիլային շաքարավազ 10 գ

_Բալ 500 գ

_Սպիտակաձավար 3 ճաշի գդալ

Բալով բուլկիներ. Պատրաստման եղանակը

_Լվանալ բալը և հեռացնել կորիզները։ Հատապտուղների վրա լցնել 150 գ շաքարավազ և խառնել։

_Մածունն ու տաք ջուրը խառնել, ավելացնել 40 գ շաքարավազ և սեղմած խմորիչը, խառնել բաղադրիչները։

_Մածունով խառնուրդին ավելացնել 8 ճաշի գդալ ալյուրը և խմորը հունցել, ինչպես նրբաբլիթների համար:

_Խմորը ծածկել սրբիչով և թողնել տաք տեղում 30 րոպե։

_Խմորի մեջ ավելացնել շաքարավազը, վանիլային շաքարավազը, ձուն, սպիտակուցը, աղը, հալեցրած կարագը և արևածաղկի ձեթը։ Բաղադրիչները մանրակրկիտ խառնել։

_Ալյուրը մաս-մաս լցնել և շարունակել խմորիչով խմորը հունցել։ Խմորը կրկին ծածկել սրբիչով և թողնել տաք վիճակում 1 ժամ։

_Բալը քամել հյութից, հատապտուղներին ավելացնել սպիտակաձավարը և խառնել։

_Խմորը կտրատել և բաժանել 20 մասի, գնդիկներ կազմել։

_Յուրաքանչյուր գնդիկ բացել երկայնական շերտով։ Բալը շարել և լավ ամրացնել խմորի եզրերը։ Այնուհետև բուլկիներ կազմեք՝ դրանք խխունջի նման ոլորելով։

_Բուլկիները դնել յուղաթղթով ծածկված ջեռոցի տապակի վրա և թողնել ևս 20 րոպե:

_Այնուհետև դրանց վրա քսել հարած դեղնուց և թխել 30 րոպե, նախապես մինչև 170°C տաքացրած ջեռոցում։

Հաշվի առեք այս բաղադրատոմսը, բայց հիշեք՝ դրանք կարող եք պատրաստել ցանկացած միջուկով: Միայն թե ուշադիր եղեք և մրգերը կամ հատապտուղները քամեք ավելորդ հյութից: Հակառակ դեպքում թխվածքը կարող է «արտահոսել»:

Բարի ախորժակ:

Տեսանյութ

Հեշտ բուլկի կրուասաններ