Բանանը ջեռոցում շոկոլադե գլազուրով․ Դեսերտի 2 քաղցր տարբերակ

Այսօր պատրաստելու ենք շոկոլադե դեսերտներ՝ բանանը ջեռոցում շոկոլադե գլազուրով և շոկոլադապատ կաթնաշոռային ռաֆայելլո։ Առաջարկելու ենք շոկոլադի օգտագործման ամենաանհավանակ և անսպասելի տարբերակներ:

1 — Բանանը ջեռոցում շոկոլադե գլազուրով․ Բաղադրիչներ

• Բանան
• Շոկոլադե սալիկ
• Ընկույզ

Բանանը ջեռոցում․ Պատրաստման եղանակ

• Բանանը առանձնացնում ենք, լվանում, չորացնում և հենց կեղևով կիսում մեջտեղից միջուկի հետ միասին,
• Բացում ենք կեղևը բայց չենք հեռացնելու,

• Մի քիչ էլ ենք կտրատում միջուկը,
• Այնուհետև կտրատում ենք շոկոլադե սալիկ, ինչ ունեք ձեռքի տակ, շարում ենք բանանի մեջ արված ճեղքերի մեջ,
• Մաքրած ընկույզը նույնպես լցնում ենք գրպանիկների մեջ և ուղարկում ջեռոց մոտ 4-5 րոպե 120 աստիճանում խորովելու համար,
• Մատուցում ենք հենց այդպես կեղևով, մատուցելուց առաջ կարող եք խառնել, չդիմանալ բույրին և համտեսել իմ նման,

Դե հյուրերն արդեն հաճելիորեն զարմացած են, այժմ մեկ այլ գեղեցիկ դեսերտ մատուցելու ժամանակն է՝ շոկոլադապատ կաթնաշոռային ռաֆաելլոներ,

2 — Շոկոլադե գլազուրով Ռաֆաելլո կաթնաշոռից․ Բաղադրիչներ

• Կաթնաշոռ — 200 գր․
• Ձու — 1 հատ
• Շաքարի փոշի
• Ալյուր — 150 գր․
• Ազնվամորի

Գլազուրով Ռաֆաելլոներ․ Պատրաստման եղանակը

• Կաթնաշոռը լցնում ենք տարայի մեջ վրան ավելացնում ձու, շաքարի փոշի և ալյուրը լցնելով խառնում,
• Պետք է ստացվի այնպիսի զանգված, որ ձեռքերով հնարավոր լինի ռաֆաելլոի նման գնդիկներ պատրաստել,

• Գնդիկների մեջտեղում որպես միջուկ հատապտուղ կամ ընկույզ ենք դնելու, կարելի է և սառցախցիկի պահոցից օգտվել և սառեցված ազնվամորի դնել կենտրոնում,
• Պատրաստված գնդիկները եփելու ենք ջեռոցում մոր 10-15 րոպե 140 աստիճանում մինչև մի փոքր շառագունեն,
• Մինչ այդ շոկոլադե սալիկը պետք է հալեցնենք գազօջախին, որպեսզի շոկոլադապատենք մեր կաթնաշոռով Ռաֆաելլոները,
• Հանում ենք և մատուցելիս առատորեն շոկոլադե գլազուրը լցնում վրան, զարդարում նանայի տերևով և ազնվամորիով։

Դեսերտի 2 քաղցր տարբերակ․ Տեսանյութ