Բանանով կեքս առանց ձվի. Պահքի օրերին յուրահատուկ նրբությամբ թխվածք

Պահքի քաղցրավենիք թխելը շատ հեշտ է, օրինակ, կարող եք պատրաստել Բանանով կեքս առանց ձվի:

Նման աղանդերի համար կատարյալ խմոր պատրաստելու համար հարկավոր է բանան և ալյուր վերցնել։ Խառնեք այս բաղադրիչները, ավելացրեք երկու ճաշի գդալ մեղր, և վերջ, պատրաստ է:

Այս կեքսերի խմորն ուղղակի կատարյալ է: Այն շատ արագ է թխվում և լավ համադրվում է տարբեր հավելումների հետ։ Ուստի, բացի բաղադրատոմսում նշված չամիչից, կարող եք ավելացնել այն, ինչ ցանկանում եք:

Կարող եք վերցնել հատապտուղներ և թթու մրգեր, որոնք կօգնեն ընդգծել բանանի քաղցրությունը: Կամ ավելացրեք ընկույզներ, ծիրանի չիր։ Հավատացեք, հիանալի կստացվի:

Բանանով կեքս առանց ձվի. Անհրաժեշտ բաղադրիչներ

_Բանան 2 հատ

_Արևածաղկի ձեթ 100 մլ

_Ցորենի ալյուր 180 գ

_Մեղր 2 ճաշի գդալ

_Սոդա 0,5 թեյի գդալ

_Չամիչ 40 գ

_Քացախ 0,5 թեյի գդալ

_Շաքարավազ 1 ճաշի գդալ

Բանանով կեքս առանց ձվի. Պատրաստման եղանակը

_Նախ, բանանը պատառաքաղով տրորել, հարթ խյուս ստանալ։ Ավելացնել շաքարավազ և մեղր, լցնել արևածաղկի ձեթ։ Բոլոր բաղադրիչները մանրակրկիտ խառնել։

_Ցորենի ալյուրը մաղել բանանի զանգվածի մեջ։ Ավելացնել քացախով մարած սոդան և չամիչը, ամբողջն արագ խառնել։

_Պատրաստի թանձր խմորը լցնել սիլիկոնե ձևամանների մեջ (մոտ 1 ճաշի գդալ յուրաքանչյուրը):

_15-20 րոպեով դնել 180 աստիճան տաքացրած ջեռոց։

_Մատուցելուց առաջ բանանով կեքսերի վրա կարող եք ցանել շաքարի փոշի։

Զարմանալի աղանդերը պատրաստ է: Նուրբ, թեթև, չափավոր քաղցր խմորեղենը հիանալի հավելում կլինի թեյ խմելիս:

Նման թխվածքի միակ թերությունն այն է, որ դուք ավելի ու ավելի շատ եք ցանկանում այն ուտել: Դրա համար պետք է միանգամից կրկնակի բաժին պատրաստել։

Ծախսեք կես ժամ և ստացեք համեղ կեքսերի սար: Համաձայնեք, դա պարզապես հիանալի է:

Բարի ախորժակ:

Տեսանյութ

Կեքս. Շոկոլադե մաֆիններ