Բեզեով թխվածքաբլիթներ Օդային Պաչիկ. Անուշահամ քաղցրավենիք սուրճի հետ

Բեզեով թխվածքաբլիթներ Օդային Պաչիկ. Անուշահամ քաղցրավենիք սուրճի հետ

Ցանկանու՞մ եք ունենալ համեղ թխվածքների մի ամբողջ տապակ: Ուրեմն անմիջապես պատրաստեք գրիչ և տետր կամ պահպանեք բաղադրատոմսը, որովհետև հիմա ես ձեզ կասեմ, թե ինչպես պատրաստել «օդային պաչիկ» ռոմանտիկ անունով բեզե թխվածքաբլիթներ: Նման աղանդերը հարմար կլինի թե սովորական թեյի երեկույթի, թե որևէ տոնի սեղանի:

Ինչո՞ւ է թխվածքաբլիթը ստացել այս անունը: Նախ, այն շատ թեթև և օդային է: Եվ երկրորդ, երբ դուք կծում եք փափուկ բեզեն, այն հիշեցնում է համբույր: Այս քաղցրավենիքի բաղադրատոմսում ամեն ինչ կատարյալ է` սկսած փխրուն հիմքից մինչև լցոնը: Խորհուրդ եմ տալիս փորձել և համոզվել:

Բեզեով թխվածքաբլիթներ Օդային Պաչիկ. Անհրաժեշտ բաղադրիչները

• Կարագ 120 գ
• Շաքար 190 գ
• Ձու 3 հատ
• Ցորենի ալյուր 180 գ
• Փխրեցուցիչ 0,5 թեյի գդալ
• Աղ 1 պտղունց
• Վանիլային շաքար 10 գ
• Կիտրոնի հյութ 2 գ
• Տրյուֆելի շոկոլադներ `ըստ ճաշակի

Բեզեով թխվածքաբլիթներ Օդային Պաչիկ. Պատրաստման եղանակը

1. Փափկեցրած կարագը տրորել աղով, 50 գ շաքարով և կես վանիլային շաքարով:
2. Դեղնուցներն առանձնացնել սպիտակուցներից և ավելացնել կարագին, խառնել զանգվածը:
3. Ալյուրը և փխրեցուցիչը մաղել ամանի մեջ և խմոր հունցել: Այն ծածկել պլաստիկ թաղանթով և դնել սառնարանում 1 ժամով:
4. Խմորը բաժանել երկու մասի և յուրաքանչյուր կտորը գրտնակել 5 մմ հաստությամբ բարակ շերտով:
5. Թխվածքաբլիթի ձևի կամ բաժակի օգնությամբ կտրել 6 սմ շրջագծով շրջանակներ:
6. Խմորի շերտերը տեղափոխել յուղաթղթով ծածկված տապակի վրա: Յուրաքանչյուրի կենտրոնում դնել մի կտոր շոկոլադ կամ շոկոլադե կոնֆետ:
7. Սպիտակուցները 30 վայրկյան հարել, ապա ավելացնել վանիլային շաքար: Շարունակելով հարել, աստիճանաբար ավելացնել 140 գ շաքար:
8. Երբ խառնուրդը պնդանա, ավելացնել կիտրոնաթթու և նորից թեթևակի հարել: Լցնել զանգվածը խոհարարական տոպրակի մեջ, և ծածկել կոնֆետը, փորձելով ամբողջությամբ չհասնել խմորի եզրին:
9. Թխել 18-20 րոպե 150 աստիճանով:

Բլիթները կարող եք զարդարել հալված շոկոլադով: Լցոնը հաճելի անակնկալ կլինի: Ընկույզները, չրերը, շոկոլադը կամ ձեր նախընտրած համեղությունը կարող եք թաքցնել փխրուն բեզեի տակ:

Բեզեով թխվածքաբլիթներ Օդային Պաչիկը պատրաստ է:

Վայելեք, բարի ախորժակ:

Տեսանյութ

Էկլերներ