Բուլկիներ խնձորով և դարչինով. Նուրբ ու անուշաբույր թխվածք 

Առաջարկում ենք թխել այսպիսի հետաքրքիր Բուլկիներ խնձորով և դարչինով: Այս խմորեղենն իր տեսքով շատ նման է հայտնի սիննաբոններին։ Բայց սրանք շատ ավելի հեշտ է պատրաստել:

Պարզապես պետք է խմորը բարակ գրտնակել, կտրատել շերտերով։ Իսկ հետո մնում է միջուկը փաթաթել դրանց մեջ։

Բուլկիներ խնձորով և դարչինով. Բաղադրիչներ

_Ցորենի ալյուր 580 գ

_Ձու 1 հատ

_Կաթ 300 մլ

_Խմորիչ 20 գ

_Աղ 1 պտղունց

_Վանիլային շաքարավազ 12 գ

_Եգիպտացորենի օսլա 45 գ

_Կարագ 70 գ

_Խնձոր 3 հատ

_Դարչին 1 ճաշի գդալ

_Շաքարավազ 175 գ

Բուլկիներ խնձորով և դարչինով. Պատրաստման եղանակը

_ Սեղմված խմորիչը լցնել կաթի մեջ: Լցնել 1 ճաշի գդալ շաքարավազ և 3 ճաշի գդալ ցորենի ալյուր:

_ Ամեն ինչ մանրակրկիտ խառնել, ծածկել սրբիչով և թողնել 10 րոպե։

_ Խմորիչի խառնուրդին ավելացրեք ձուն, եգիպտացորենի օսլան, վանիլային շաքարը, աղը և մնացած ցորենի ալյուրը։

_ Միասեռ խմոր հունցել։ Ծածկել այն և տաք տեղում թողնել 30 րոպե։

_ Մաքրել խնձորները, հանել միջուկները։ Պտուղը կտրատել բարակ շերտերով։

_ Աշխատանքային մակերեսին ցանել ալյուր։ Խմորը գրտնակել, կտրել այն երկար շերտերով:

_ Խմորին քսել փափկած կարագ։ Շաղ տալ մնացած շաքարի և դարչինի խառնուրդը։

_ Խնձորի կտորներ դնել շերտերի ողջ երկարությամբ, փաթաթել գլանափաթեթներ:

_ Բուլկիները լցնել բուսայուղով յուղած տապակի մեջ։ Դնել 180 աստիճան տաքացրած ջեռոց 25 րոպե։

Աներևակայելի բուրմունք կտարածվի խոհանոցից հենց որ թխվեն այս փարթամ ու ախորժելի բուլկիները:

Բարի ախորժակ:

Տեսանյութ

Սիննաբոն բուլկիներ