Ողջույն․ Այսօր թխելու ենք Բրաունի համեղ շոկոլադե քաղցր թխվածք հաստատ գիտեմ սպասում էիք իմ բաղադրատոմսին։
Բաժանորդագրվեք անպայման իմ ալիքին, լայք դրեք այս տեսանյութի տակ և գրեք ձեր կարծիքը Բրաունիի մասին, ես սպասում եմ։
Բրաունի Բաղադրիչներ
- Շաքարավազ սպիտակ — 1 բաժակ
- Շաքարավազ շականակագույն — 0,5 բաժակ
- Ձու — 3 հատ
- Դառը շոկոլադ — 200 գրամ
- Կարագ — 125 գրամ
- Աղ մեկ պտղունց, ցանկալի է լինի խոշոր ծովի աղ
- Վանիլին մեկ պտղունց
- Ալյուր -100 գրամ
- Սոդա կամ փխրեցուցիչ — 1 թեյի գդալ
- Կակաո — 50 գրամ
Տորթ Բրաունի քայլ առ քայլ
- Նախապատրաստենք բաղադրիչները
- Մեզ հարկավոր է շաքարավազ, պարտադիր շատ մանր, Մառանիկինը շատ մանր է տեսեք, և զգալի քաղցր է
- Ես սրանից եմ վերցնում 1 բաժակ
- Կես բաժակ էլ պարտադիր շականակագույն շաքարավազ լցնեք, այն պարտադիր է բրաունի պատրաստելիս կարամելային յուրահատուկ համ է տալիս
- Տարայի մեջ կոտրենք 3 ձու, վրան էլ ավելացնենք շաքարավազը և հարենք
- Այնքան ենք հարելու մինչև զանգվածը իր ծավալից կրկնակի չափով ավելանա, սպիտակի թթվածնով հագենա
- Հրուշակագործության մեջ ամեն մանրուք կարևոր է, չափերն ու բաղադրիչների ցանկը, նշված ջերմաստիճանն ու ժամանակը հարկավոր է հստակ պահպանել՝ սպասված արդյունք ստանալու համար
- Երկու շոկոլադե սալիկ է պետք՝ ցանկալի է լինի դառը և համեղ
- Մանրացնենք տարայի մեջ
- Վրան ավելացնենք կարագ 125 գրամ
- Պետք է դնենք գոլորշու վրա հալեցնելու
- Ուշադիր եղեք, որ կաթսան ամբողջությամբ ծածկի գոլորշու հոսքը, քանի-որ շոկոլադին գոլորշին անմիջականորեն չպետք է կպնի, հակառակ դեպքում այն կփչանա
- Կարագն ամբողջությամբ հալվեց տարրալուծվեց շոկոլադի հետ վերցնելու ենք գոլորշու վրայից և դնենք մի փոքր սառելու
- Մի փոքր սառելուց հետո արդեն այն կարող ենք ավելացնել մեր նախապատրաստած խմորի զանգվածին և շարունակենք հարել
- Լուծվեց ամբողջությամբ
- Հերթը փոշի բաղադրիչներինն է
- Բրաունի պատրաստելու համար պարտադիր է վերցնել բարձր տեսակի ալյուր, նման թխվածքների համար երբ լավ արդյունք եմ ուզում ստանալ ես օգտագործում եմ Մառանիկի ալյուրը
- Մեզ հարկավոր է 100 գրամ
- Այն լցնենք մաղի մեջ
- Փոշի բաղադրիչները պետք է մեկտեղենք
- Ավելացնենք վրան 1 թեյի գդալ սոդա
- Բրաունիի համի համար որքան որ շոկոլադե սալիկի որակն էր կարևոր, նույն չափով էլ կակաոի որակն է կարևոր
- Այն պետք է շատ համեղ լինի
- 50 գրամ է մեզ պետք, այս տուփը հենց այդքան է
- Մեկ պտղունց խոշոր ծովի աղ կավելացնենք
- Մի փոքր էլ վանիլին
- Եվ այս փոշի զանգվածը մաղենք մեր խմորի մեջ
- Հարենք և արդեն խմորը պատրաստ կլինի
- Տապակի մեջ յուղաթերթ փռենք բոլոր կողմերով
- Լցնենք զանգվածը մեջը և հարթեցնենք
- Կարելի է անհատական փոքրիկ կերամիկական տարաների մեջ թխել, այդպես էլ են մատուցում
- Պետք է թխենք 30-35 րոպե 180 աստիճանի վերև ներքև ռեժիմում
- Իմ տապակի չափը 25 սմ է, խմորը հում վիճակում պետք է մոտավորապես 3 սանտիմետր բարձրությամբ լցված լինի, տապակը ընտրելիս դա հաշվի առեք
- Թխվելու ընթացքում արտաքին շերտը պետք է լավ չոր կեղև կապի, անգամ ճաքճքի, իսկ ներսում փափուկ մնա, մի փոքր էլ թաց լինի
- Ուտելիս տաք շոկոլադի նուրբ համ պետք է զգաք
- Եթե մատուցելուց առաջ արդեն սառն է, հարկավոր մատցվող կտորը տաքացնել մի փոքր միկրոալիքային վառարանում և այդպես տաք վիճակում վրան պաղպաղակի գունդ դնել, մատուցել ելակի և նանայի տերևներով զարդարված։
Դե ինչ, բարի ախորժակ։
