Գազարով տորթը խոնավ է, նուրբ, շատ համեղ և փարթամ։ Դրա համար կարող եք նաև թթվասերով կրեմ պատրաստել, որը միշտ հիանալի է համադրվում գազարի հետ։
Գազարով տորթ. Անհրաժեշտ բաղադրիչները
_Գազար 220 գր
_Նարնջի քերուկ
_Ձու 3 հատ
_Մի պտղունց աղ
_Շաքարավազ 160 գր
_Բուսական յուղ 80 գր
_Վանիլին ըստ ճաշակի
_Ալյուր մոտ 170 գր
_Փխրեցուցիչ 1 տուփ
_Չամիչ՝ ըստ ճաշակի
Գազարով տորթ. Պատրաստման եղանակը
_Քերել գազարը միջին քերիչով, նարնջի կեղևի հետ միասին։
_Ձուն հարել աղի, շաքարավազի և վանիլինի հետ, մինչև փարթամանա ու ծավալը կրկնապատկվի։
_Զանգվածի մեջ լցնել բուսական յուղը, խառնել։
_Ավելացնել գազարն ու քերուկը, խառնել։
_Ալյուրը մաղել և խառնել փխրեցուցիչի հետ։
_Լցնել խմորի մեջ և խառնել մինչև հարթ զանգված լինի։
_Ավելացնել չամիչը, բայց սա ըստ ճաշակի է, այն կարելի է փոխարինել նաև մանրացված ընկույզով:
_Ձևամանը ծածկել յուղաթղթով և լցնել խմորը։
_Թխել 180 աստիճանում մոտ 35 — 40 րոպե, պատրաստ լինելը ստուգել փայտիկով։
_Վրան պարզապես կարելի է շաքարի փոշի ցանել կամ շաքարի փոշին թթվասերով հարել ու այդ կրեմը վրան քսել։
Ստացվում է ահա այսպիսի պարզ թխվածք՝ շատ փարթամ ու համեղ, բուրավետ, թեթև ցիտրուսային նոտայով:
Բարի ախորժակ:
Տեսանյութ
Գազարով տորթ ամենահամեղ բաղադրատոմսը
