Դարչինով թխվածքաբլիթներ. Բերանում հալչող համեղ աղանդեր
Դարչինը հավանաբար քաղցր թխած ապրանքների ամենատարածված բույրն է: Այն հաճախ են օգտագործում ոչ միայն մեր, այլև ամբողջ աշխարհի տանտիրուհիները: Առանց այս համեմունքի, մենք չենք կարող պատկերացնել որևէ խմորեղեն: Համոզված եղեք, դարչինով անգամ ամենասովորական տնական թխվածքաբլիթները վերափոխվում են՝ դառնալով շատ ավելի համեղ:
Содержание
Դարչինով թխվածքաբլիթներ. Անհրաժեշտ բաղադրիչները
- Ձու 1 հատ
- Շաքարավազ 3 ճաշի գդալ
- Փխրեցուցիչ 1 թեյի գդալ
- Ցորենի ալյուր 220 գ
- Եգիպտացորենի օսլա 80 գ
- Կաթ 60 մլ
- Արևածաղկի ձեթ 60 գ
- Դարչին 1 թեյի գդալ
Դարչինով թխվածքաբլիթներ. Պատրաստման եղանակը
- Խորը ամանի մեջ խառնել շաքարն ու ձուն: Զանգվածին յուղ ավելացնել, ամեն ինչ խառնել, լավ հարել:
- Դրանից հետո ավելացնել կաթը: Կրկին խառնել:
- Ալյուրի, օսլայի և փխրեցուցիչի կեսը մաղով անցկացնել, ավելացնել այս խառնուրդին:
- Կրկին խառնելով հարել: Այժմ ավելացնել ալյուրի մնացած մասը և գդալով խառնել բաղադրիչները:
- Ձեռքերով հունցել այնքան, որ փափուկ խմոր ստացվի, բաժանել այն 3 մասի:
- Գլորել խմորը գլանաձև՝ երշիկի նման: Գլանաձև խմորից կտրատել քառակուսիներ:
- Թաթախել դրանք դարչինի և շաքարի խառնուրդի մեջ:
- Խմորի կտորները դնել յուղաթղթով ծածկված ջեռոցի տապակի վրա և պատառաքաղով սեղմել յուրաքանչյուր թխվածքաբլիթի վրա ձևավորման համար:
- Եփել 180 աստիճան տաքացրած ջեռոցում 15 րոպե: Հաշվի առեք ձեր ջեռոցի հզորությունը:
Այս տնական թխվածքաբլիթները կարելի է թխել ամեն օրվա համար: Դա ձեզանից շատ ժամանակ չի խլի, բայց կուրախացնի տնեցիներին իր համով: Պատրաստեք և վայելեք:
Դարչինով թխվածքաբլիթները պատրաստ են:
Բարի ախորժակ:
Տեսանյութ
Շոկոլադե մաֆիններ առանց ձվի
