Դդումի նեկտար նարինջով. Օգտակար հյութի հիանալի բաղադրատոմս է, որը կարելի է պատրաստել առանց հյութաքամիչի: Ստացվում է շատ համեղ, անուշաբույր նեկտար:
Պատրաստելը պարզ է և հեշտ, ամբողջ ձմռանը կարող եք վայելել դրա հաճելի և նուրբ համը:
Содержание
Դդումի նեկտար նարինջով. Անհրաժեշտ բաղադրիչները
- Մաքրած դդում 2 կգ
- Մաքրած խնձոր 2 կգ
- Ջուր 3 լ
- Շաքար 600-700 գ
- Երկու կիտրոնի հյութ
- Երեք-չորս նարնջի հյութ
Դդումի նեկտար նարինջով. Պատրաստման եղանակը
- Նախ՝ մաքրել դդումն ու խնձորը: Դրանից հետո կիտրոններից և նարինջներից հյութը քամել:
- Վերցնել մի մեծ կաթսա, մեջը լցնել նախապատրաստված խնձորները և դդումը: Դնել կրակին, վրան լցնել այնքան ջուր, որպեսզի դրանք ամբողջովին ծածկվեն:
- Եռացնել ուժեղ կրակի վրա, նվազեցնել կրակը և կափարիչով փակ կաթսայում դդումը եփել մինչև փափկելը, պարբերաբար հեռացնելով ստացված փրփուրը: Պատրաստելու համար պահանջվում է մոտ 15-20 րոպե:
- Հենց որ խնձորն ու դդումը փափկեն, անջատել կրակը և զանգվածը սուզվող բլենդերով հարել այնքան, մինչև որ միասեռ դառնա:
- Այժմ ավելացնել շաքարավազը, լցնել երկու կիտրոնի և նարնջի հյութերը: Ամեն ինչ խառնել այնքան ժամանակ, մինչեւ շաքարավազը լիովին լուծվի, այնուհետև կաթսան կրկին դնել վառարանի վրա, եռացնել, հեռացնել փրփուրը, եփել 5-10 րոպե:
- Դրանց հետո հյութը լցնել նախապես ստերիլիզացված, չոր բանկաների մեջ, ամուր փակել դրանք մետաղյա կափարիչներով, շրջել գլխիվայր, փաթաթել, թողեք ամբողջովին սառչի:
Դդումի նեկտարը նարինջով պատրաստ է: Պատրաստեք և վայելեք այս համեղ և առողջ հյութը:
Բարի ախորժակ
Տեսանյութ
Դդումով համեղ ապուր