Համեղ և նուրբ դեղձով տորթ. Ճիշտ ժամանակն է անցնել ավելի թեթև ու նուրբ քաղցրավենիքների պատրաստմանը

Համեղ և նուրբ դեղձով տորթ թխելու համար պարտադիր չէ սպասել, որ մրգի սեզոնը բացվի: Կարող եք պատրաստել մուրաբայով, կամ լավ թրջած չրերով:

Շատ պարզ պատրաստվող մատչելի բաղադրիչներով քաղցրավենիքը ձեզ շատ դուր կգա: Հրաշալի է այն, որ պատրաստման համար շատ քիչ ժամանակ ենք ծախսելու:

Դեղձով տորթ. Բաղադրիչները

_ հավի ձու — 1 հատ

_ շաքարավազ — 120 գ

_ բուսական յուղ — 100 մլ

_ ալյուր — 300 գ

_ փխրեցուցիչ — 10 գ

_ կարագ — 20 գ

_ կաթ — 300 մլ

_ դեղձ — 100 գ (պահածոյացված)

_ ձվի դեղնուց — 1 հատ

_ վանիլային շաքար — 8 գ

_ եգիպտացորենի օսլա — 2 ճաշի գդալ

Դեղձով տորթ. Պատրաստման եղանակը

_ Մեկ ամանի մեջ խառնել ձուն, բուսայուղը և 80 գրամ շաքարավազը:

_ Ստացված զանգվածի վրա լցնել 250 գրամ ալյուր և փխրեցուցիչ, ձեռքով հունցել չկպչուն առաձգական խմոր։

_ Խմորը դնել 26 սմ տրամագծով կաղապարի մեջ, տարածել այնպես, որ ծածկի ոչ միայն ներքևի մասը, այլև կողքերը։

_ Կաթսայի մեջ միացնել դեղնուցն ու կաթը, ավելացնել 20 գրամ շաքարավազ, եգիպտացորենի օսլա։ Վանիլային շաքարավազը լցնել կաթի մեջ, զանգվածը եփել մինչև թանձրանա՝ անընդհատ խառնելով։

_ Հենց կրեմը սառչի, լցնել խմորով պատված կաղապարի մեջ և հարթեցնել մակերեսը։

_ Դեղձը մանր կտրատել, դնել թխվածքի կրեմային շերտի վրա։

_ Կարագը խառնել ալյուրի մնացորդների հետ, տրորել որ ստացվեն փշուրներ։ Այս փշրանքով ծածկել տորթի մակերեսը։

_ Թխել 200 աստիճան տաքացրած ջեռոցում մոտ 25 րոպե։

Արդյունքում ստացվում է համեղ ու նուրբ տորթ։ Ավելի շատ քաղցրության համար պատրաստի տորթի վրա կարելի է շաքարի փոշի ցանել։

Բարի ախորժակ:

Տեսանյութ

Տորթ Անբան Հուռին