Եփովի կրեմով կեքսեր. Արագ և հեշտ բաղադրատոմսով կպատրաստեք այս օրիգինալ թխվածքը

Ամենանուրբ Եփովի կրեմով կեքսեր կարող եք պատրաստել շատ արագ և պարզ և մատուցել նախաճաշին պարզապես թեյի հետ կամ դնել տոնական սեղանին: Կարող եք զարդարել կեքսերը օրիգինալ ձևերով՝ ըստ ձեր ցանկության։

Եփովի կրեմով կեքսեր. Հարկավոր են հետևյալ բաղադրիչները

_ ձու 2 հատ

_ շաքարավազ 100 գ

_ բուսական յուղ 100 գ

_ նարնջի կեղև

_ ալյուր 280 գ

_ փխրեցուցիչ 10 գ

Կրեմը պատրաստելու համար անհրաժեշտ է.

_ կաթ 300 մլ

_ ձու 1 հատ

_ շաքարավազ 50 գ

_ եգիպտացորենի կամ կարտոֆիլի օսլա 1 ճաշի գդալ

_ ալյուր 1 ճաշի գդալ

Եփովի կրեմով կեքսեր. Պատրաստման եղանակը

_ Կրեմի բոլոր բաղադրիչները խառնել, հարել հարիչով մինչև հարթ լինի և եփել թույլ կրակի վրա՝ անընդհատ խառնելով, որպեսզի կրեմը չայրվի։ Թողեք սառչի և, ցանկության դեպքում, նորից հարեք, մինչև փարթամ լինի:

_ Ձվերը խառնել շաքարավազի, բուսական յուղի և մեկ նարնջի կեղևի հետ։ Զանգվածը հարել մինչև միատարր դառնա։

_ Ավելացնել մաղած ալյուրն ու փխրեցուցիչը, հունցել փափուկ և ճկուն խմոր: Դնել տոպրակի մեջ ու 30 րոպեով դնել սառցարան։

_ Սեղանին ալյուր ցանել։ Խմորի մեծ մասը դնել և գրտնակել մինչև 3 մմ հաստությամբ շերտ, բաժակով շրջանակներ կտրել։ Խմորի մնացած մասը դեռ մնում է սառցարանում։

_ Խմորի շրջանակները տեղափոխել յուղաթղթով ծածկված ջեռոցի տապակի վրա, կրեմը ճզմելով տոպրակից՝ դնել վրան և խմորի երկրորդ մասը քերել խոշոր քերիչով։

_ Թխել 200 աստիճանով մոտ 20 րոպե, բայց նայեք ձեր ջեռոցին։

Սառած Եփովի կրեմով կեքսերին ցանել շաքարի փոշի, իսկ եթե դեռ տաք են, կարող եք ցանել քերած շոկոլադ։ Դուք կունենաք արագ աղանդեր նախաճաշի կամ կեսօրվա խորտիկի համար:

Բարի ախորժակ:

Տեսանյութ

Շոկոլադե կեքսեր