Թաց տորթ Նապոլեոն. Նուրբ կրեմով քնքուշ խմորեղեն

Թաց տորթ Նապոլեոնը կրեմով տորթերի թագուհի կարելի է համարել: Այս քաղցր, համեղ, նուրբ տորթն ինչպես երեխաների, այնպես էլ մեծահասակների սիրելի նրբությունն է:

Իհարկե, տորթերը կարելի է խանութներից գնել, բայց ավելի լավ կլինի, եթե այն պատրաստեք ինքներդ:

Թաց տորթ Նապոլեոն. Անհրաժեշտ բաղադրիչները

Տորթի շերտերի համար

(15 հատ, 18 սմ տրամագծով).

_200 գ կարագ կամ մարգարին

_200 մլ թթվասեր

_2 ձու

_0,5 բաժակ շաքարավազ

_ալյուր՝ մինչև պելմենի խմորի խտությունը (650-700 գ)

Կրեմ

_1 լիտր կաթ

_500 մլ սերուցք (սերուցքի յուղայնությունը որքան ավելի բարձր լինի, այնքան ավելի լավ)

_6 ձու

_6 ճաշի գդալ ալյուր

_2,5 ճաշի գդալ շաքար

_3 տուփ վանիլային շաքար

Թաց տորթ Նապոլեոն. Պատրաստման եղանակը

_Խառնել կարագը, թթվասերը, ձվերը, շաքարը և, աստիճանաբար ալյուր ավելացնելով, խմոր հունցել:

_Այնուհետև խմորը բառանել կես բռաչափ մասերի. Պետք է ստացվի 10-12 շերտ, մոտավոր 20 սմ տրամագծով կամ մի փոքր ավելին և գրտնակել դրանք բարակ շերտով, ափսեի չափով կտրել, վրան ծակծկել պատառաքաղով: Դնել ջեռոցը կողքի ավելացած կտորների հետ միասին` 10-12 րոպե, մինչև ոսկե դարչնագույն դառնան:

_Նախ չափել մի բաժակ կաթի հետ խառնել ձվերը, ալյուրը և շաքարն այնքան, մինչև գնդիկներն ամբողջովին անհետանան: Մնացած կաթն ու սերուցքը լցնել կաթսայի մեջ և եռացնել, անընդհատ խառնելով բահիկով: Անընդհատ խառնել, որպեսզի չկպչի կաթսայի տակին:

_Երբ սկսի եռալ, շարունակելով խառնել, լցնել այն հարած խառնուրդը բարակ հոսքով, ապա ավելացնել վանիլին և մեկ րոպե անց, հենց որ կրեմը սկսի թանձրանալ, հանել կրակից: Սառչելու ընթացքում անհրաժեշտ է ժամանակ առ ժամանակ գդալով հարել սերուցքը, որպեսզի վերևում թաղանթ չստացվի:

_Տորթի շերտերին քսել  սառը կրեմ: Թխված ավելցուկային կտորները կարելի է դնել պլաստիկ տոպրակի մեջ և մսի մուրճիկով ծեծել դրանք փշրանքների վերածելու համար, որպեսզի վերջում ցանեք դրանք տորթի վերևի մասում:

_Ցանկալի է տորթը հավաքել կլոր բացվող օղակի մեջ, որպեսզի տորթի շերտերը չփշրվեն կրեմի ծանրության տակ, և այն մնա հարթ և գեղեցիկ: 6-10 ժամվա ընթացքում տորթը ​​ներծծվում է սենյակային ջերմաստիճանում:

_Այնուհետև տորթը կարող եք տեղափոխել ամանի մեջ և դնել սառնարան:

Թաց տորթ Նապոլեոնը պատրաստ է:

Բարի ախորժակ:

Տեսանյութ

Տորթ Սպարտակ