Թթվասերով թխվածքաբլիթներ. Ես միշտ կրկնակի բաժին եմ պատրաստում

Այսօր կպատրաստենք շատ համեղ Թթվասերով թխվածքաբլիթներ։

Այս բաղադրատոմսում կարող եք օգտագործել և թթվասեր, և մածուն։ Բոլոր բաղադրիչները չափազանց պարզ են, բայց թույլ են տալիս իսկապես համեղ խմորեղեն պատրաստել:

Մեկ բաժինը շատ արագ ուտում են, ուստի միանգամից մեծ քանակությամբ թխեք։

Թթվասերով թխվածքաբլիթներ. Բաղադրիչներ

_ 500-550 գր ալյուր

_Յուղալի թթվասեր 200 մլ

_ Բուսական յուղ 100 մլ

_ 100 գրամ շաքար

_ Ձու 2 հատ

_ Փխրեցուցիչ 10 գր

_ Աղ

_ Վանիլին 1,5 գրամ

Թթվասերով թխվածքաբլիթներ. Պատրաստման եղանակը

Բաղադրիչների այս քանակությունը թույլ կտա մեզ պատրաստել թխվածքաբլիթի կրկնակի չափաբաժին։ Եթե ​​ցանկանում եք ավելի քիչ պատրաստել, ապա բոլոր բաղադրիչները վերցրեք կիսով չափ։

_ Նախ խառնել ձուն, շաքարավազը և մի պտղունց աղ, հարել մեկ րոպե, որպեսզի լրիվ հարթվի:

_ Ավելացնել թթվասեր կամ մածուն, ինչպես նաև բուսական յուղ, խառնել։

_ Բաղադրիչները վերցնել անմիջապես սառնարանից, պետք չէ հասցնել սենյակային ջերմաստիճանի։

_ Փոքր չափաբաժիններով լցնել ալյուրը, վանիլինը, փխրեցուցիչը և սկսել գդալով խմոր շաղախել: Երբ խմորը թանձրանա՝ կարող եք ձեռքով հունցել։

_ Այսպիսով, ստանում ենք առաձգական խմոր, որն իդեալական է թխվածքաբլիթներ պատրաստելու համար։ Ծածկեք սրբիչով և սպասեք 15 րոպե։

_ Այնուհետև խմորը գրտնակել և վրան մի քիչ շաքար ցանել, նորից գրտնակել։

_ Ցանկության դեպքում կարող եք տարբեր ձևերով կտրատել: Եթե ​​չեք ցանկանում ժամանակ վատնել դրա վրա, կարող եք այն կտրել շերտերով և ստանալ սովորական քառակուսիներ։

_ Խմորի կտորները տեղափոխել ջեռոցի տապակի վրա, որը նախապես պետք է յուղել բուսայուղով:

_ Դնել 180 աստիճան տաքացրած ջեռոցում և թխել 15 րոպե։

Թխվածքաբլիթները մի փոքր կմեծանան և թեթև շագանակագույն կդառնան։ Սառելուց հետո կարող եք հյուրասիրել բոլորին։ Թխվածքաբլիթներն արտաքինից խրթխրթան են, իսկ ներսից՝ շատ փափուկ։

Բարի ախորժակ:

Տեսանյութ

Մեղրով թխվածքաբլիթներ