Ինչպես զարդարել Զատկի կուլիչները
Շուտով բոլոր քրիստոնյաների ամենամեծ և ամենագեղեցիկ տոնն է, և մենք ցանկանում ենք ձեզ պատմել, թե ինչպես կարելի է զարդարել Զատկի տորթը:
Այո, դուք կարող եք, իհարկե, պարզապես կուլիչի վրա լցնել գլազուր, բայց այս տոնը տարին միայն մեկ անգամ է և ես առաջարկում եմ հատուկ գեղեցկություն ունենալ սեղանի վրա:
Մեր առաջարկած զարդերը համով հիշեցնում են բեզե: Նման չեն խանութում գնվածներին, համեղ են ու քնքուշ: Նման ձևավորումները կարող են պատրաստվել նախապես, դրանք պահվում են շատ երկար ժամանակ: Փակ տարայի մեջ կարող եք պահել մինչև վեց ամիս:
Շաքարի մածուկի համար անհրաժեշտ բաղադրությունը
- 600 գր շաքարի փոշի
- 2 սպիտակուց միջին չափի ձվերից
- 1 թեյի գդալ կիտրոնի հյութ կամ մի պտղունց կիտրոնաթթու
- սննդային ներկեր
Ինչպես զարդարել Զատկի կուլիչները. Քայլ առ քայլ եղանակը
- Սպիտակուցներին ավելացնել կիտրոնաթթու կամ կիտրոնի հյութ և հարել հարիչով:
- Շարունակելով հարելը՝ աստիճանաբար ավելացնել շաքարի փոշի, մինչև որ ձևավորվի թանձր զանգված, որը չի տարածվում և լավ է պահում իր ձևը:
- Բաժանել 4-6 մասերի և գունավորեք տարբեր երանգներով` հեղուկ սննդային ներկերով:
- Օգտագործելով տարբեր ձևեր և խմորեղենի տոպրակ, յուղաթղթի կտորի վրա ձևավորել տարբեր ծաղիկներ, թերթիկներ, վարդեր, մի խոսքով, այն ամենն, ինչ թույլ կտա ձեր երևակայությունը:
- Ծաղիկները չորացնել սենյակային ջերմաստիճանում 3 ժամ կամ ավելի: Կարող եք մեկ գիշեր թողնել: Դրանից հետո դնել տարայի մեջ:
- Երբ կուլիչները պատրաստ լինեն և սառչեն, հալեցնել սպիտակ կամ մուգ շոկոլադ, քսել վերևում և ձևավորել պատրաստված զարդերով, քանի դեռ շոկոլադը չի սառել:
- Վերևի մասը կարող եք նաև քսել ցանկացած դուր եկած գլազուրով և այնուհետև զարդարել ծաղիկներով, կարծես թե սոսնձելով, քանի դեռ գլազուրը չի ամրացել:
Զատկի կուլիչների ձևավորման համար կարող եք օգտագործել նաև կեֆիրով կրեմ, որը պարզ է պատրաստվում և հեշտ է կիրառվում:
Կուլիչ թխելու համար կարող եք օգտվել մեր ստորև ներկայացված տեսանյութի բաղադրատոմսից:
Բոլորին հիանալի տոն և մտքի խաղաղություն:
Տեսանյութ
Զատկի կուլիչ