Աշխարհի շատ խոհանոցներ ունեն իրենց խնձորով կարկանդակը, և իռլանդական շառլոտկան դրանցից մեկն է: Այնտեղ սիրում են խնձորով խմորեղեն։ Բայց նրանք այն թխում են անսովոր եղանակով՝ օգտագործելով այսպես կոչված շտրեյզել:
Շտրեյզելը հրուշակեղենի փշրանք է տորթերի և կարկանդակների վրա ցանելու համար, որը բաղկացած է ալյուրից, կարագից և շաքարավազից։ Սա շատ նման է մեր սիրելի գաթայի խորիզին:
Շառլոտկան դրա հետ ուղղակի հիանալի համ է ստանում, ընդհանրապես մրցակիցներ չունի։
Իռլանդական շառլոտկա. Անհրաժեշտ բաղադրիչներ
_Շաքարավազ 150 գ
_Կարագ 12 ճաշի գդալ
_Վանիլային շաքարավազ 10 գ
_Ձու 2 հատ
_Ցորենի ալյուր 320 գ
_Փխրեցուցիչ 2 թեյի գդալ
_Աղ 0,5 թեյի գդալ
_Դարչին 1 թեյի գդալ
_Կաթ 50 մլ
_Խնձոր 4 հատ
_Վարսակի փաթիլներ 2 ճաշի գդալ
Իռլանդական շառլոտկա. Պատրաստման եղանակը
_Կարագը նախապես հանեք սառնարանից, որ հասնի սենյակային ջերմաստիճանի։
_Այնուհետև խառնել 8 ճաշի գդալ կարագը շաքարի նշված քանակի կեսով, վանիլային շաքարով և ձվերով։
_Խառնել ալյուրը (240 գ) փխրեցուցիչի, աղի և դարչինի հետ։ Այնուհետև ջրիկ և չոր զանգվածները խառնել և ավելացնել կաթը։ Խառնել, որպեսզի ստացվի խմոր:
_Կեղևահան արված և խորանարդիկներով կտրատած խնձորները խառնել խմորի հետ և լցնել յուղով պատված ձևամանի մեջ։
_Մնացած կարագը խառնել մնացած շաքարավազի, աղի, վարսակի փաթիլների և 80 գ ցորենի ալյուրի հետ, մինչև փշուրներ ստացվեն:
_Ստացված զանգվածը շաղ տալ ձևամանի մեջ լցված խմորի վրա և թխել 50 րոպե՝ 180 աստիճան տաքացրած ջեռոցում։
Իռլանդական շառլոտկան պատրաստ է:
Բարի ախորժակ:
Տեսանյութ
Թխվածք Կարակում
