Լայմով լիմոնադ. Առույգացնող, թարմ ըմպելիք
Ժամանակակից գովազդը մեզ ասում է, որ ոչինչ ավելի լավ չի թարմացնում և չի հագեցնում մեր ծարավը, քան քաղցր գազով ջրերը, հյութը կամ սառը թեյը հսկայական քանակությամբ շաքարով և տարբեր վնասակար հավելումներով: Բայց մենք շատ լավ գիտենք, որ նման ըմպելիքները ոչ միայն վնասում են մարմնին և կազմվածքին, այլև կախվածություն են առաջացնում:
Ինչու՞ գնել մեկ շիշ քաղցր «թույն», երբ տանը ինքներդ կարող եք պատրաստել դրա նման համեղ և շատ ավելի բնական և առողջ լիմոնադ: Մենք ձեզ կպատմենք, թե ինչպես կարող եք լայմի և խնկունիի շնորհիվ իսկական աստվածային ըմպելիք պատրաստել, ինչն, անշուշտ, կհաղթի մյուս ընպելիքների հետ համեմատության մեջ:
Լայմով լիմոնադ. Անհրաժեշտ բաղադրիչները
- Լայմ 5 հատ
- Շաքար 100-120 գ
- Խնկունի 20 գ
- Հանքային ջուր 1,5 լ
Լայմով լիմոնադ. Պատրաստման եղանակը
- Կաթսայի մեջ լցնել 200 մլ հանքային ջուր, ավելացնել շաքարավազ և 3 ճյուղ խնկունի:
- Եռացնել հեղուկը, նվազեցնել կրակը և թող հանքային ջուրը եռա, մինչև շաքարավազն ամբողջությամբ լուծվի:
- Կաթսան հանել կրակից, հեղուկը լցնել լիմոնադի տարայի մեջ, հանել խնկունիի ճյուղերը և սառեցնել:
- Չորս լայմի հյութը լցնել սառած լիմոնադի մեջ:
- Լվանալ մնացած մեկ հատ լայմը, չորացնել, կտրել բարակ կտորներով և մնացածը խնկունիի հետ լցնել լիմոնադով տարայի մեջ:
- Լիմոնադին ավելացնել 1,3 լիտր հանքային ջուր, ամեն ինչ լավ խառնել և խմիչքը 30 րոպեով դնել սառնարան:
Շնորհավորում ենք, համեղ տնական լիմոնադը պատրաստ է: Ցանկության դեպքում կարող եք մի փոքր շաքար ավելացնել: Համոզվեք, որ ինքներդ կարող եք պատրաստել համեղ ու անվնաս հիանալի լիմոնադ և կիսվեք ձեր ընկերների հետ այս հիանալի բաղադրատոմսով:
Լայմով լիմոնադը պատրաստ է:
Բարի ախորժակ:
Տեսանյութ
Անկրկնելի աղանդեր