Թափանցիկ Լիմոնով Տորթ․ Բերանում հալվող նրբություն

Այսօր թխելու ենք Թափանցիկ Լիմոնով Տորթ․ Բերանում հալվող նրբություն և բոլորս մտովի տեղափոխվելու մեր մանկություն, քանի-որ այն իմ մանկության քաղցր տորթերից է, որ մայրիկ պարտադիր թխում էր բոլոր առիթներով։

Լիմոնով Տորթ Բաղադրիչներ

Լիմոնով տորթ խմոր

• Ձու — 4 ձվի դեղնուց + 1 ամբողջական ձու
• Շաքարավազ — 1 բժ․ — 200 գր․
• Թթվասեր — 350 -400 գր․
• Կարագ — 1 բժ․ — 200 գր․
• Սոդա — 1 թ․ գդ․
• Ալյուր — 2,5 բժ․ — 500 գր․

Լիմոնով տորթ բեզե

• 4 ձվի սպիտակուց
• Շաքարավազ — 1 բաժակ
• Կիտրոն 1- 2 հատ

Լիմոնով Տորթ Պատրաստման եղանակը

• 4 ձվի դեղնուցը առանձնացնենք սպիտակուցից
• Սպիտակուցը լցնենք մեխանիկական հարիչի մեջ, մեր այս օգնականը թող հարի բեզե սարքի
• Իսկ այդ ընթացքում կողքից հարենք խմորը ձվի դեղնուցի վրա ավելացնենք մեկ ձու
• 1 բաժակ շաքարավազն էլ ավելացնենք և սկսենք հարել
• Այս բաղադրատոմսը այնքան փափուկ և եթերային է, նուրբ կիտրոնի համով հագեցած, եթե անգամ այն ձեզ ծանոթ չէ մանկությունից, ապա համոզված եմ մեկ անգամ փորձելուց հետո ձեր ամենասիրելին է դառնալու
• Գրեք անպայման մեկնաբանություններում  թե ո՞վ է սիրում այս տորթը որպես իր մանկության համային հիշողություն
• Այնուհետև պետք է լցնենք կարագ 200 գրամ սենյակային ջերմաստիճանի փափկության, որպեսզի հեշտությամբ հարենք զանգվածը
• Չմոռանանք մեր հարվող սպիտակուցների մասին, այն արդեն բեզեի է վերածվել
• Մեկ բաժակ շաքարավազ պետք է վրան ավելացնենք առանց դադարեցնելու հարելը իսկ մենք․․․
• Խմորի մեջ պետք է ավելացնենք համեղ թթվասեր 350-400 գրամ
• Նախապես մեջը լուծելով 1 թեյի գդալ սոդա

• Ալյուրն ավելացնելու հերթն է
• 2,5 բաժակ ալյուրը մաղելով ավելացնենք ընթացքում հարելով
• 1 լավ լվացված կիտրոնի կեղևը քերենք, միջուկը ջրքամենք
• Այս ամենի կեսը կավելացնենք խմորին կեսն էլ բեզեին, կեղևից վերջում մի փոքր հատված էլ վրան կլցնենք
• Խմորն ամբողջությամբ լցնենք թավայի մեջ
• Իմ թավայի տրամագիծը 25 սմ է, գիտեմ որ պետք է հարցնեք
• Ջեռոցում թխելու ենք 180 աստիճանում, մոտ 40 րոպե
• Այս ողջ ընթացքում մեր բեզեն հարվում էր հարիչում, անջատենք, ընդ-որում որքան երկար խփվի բեզեն այնքան լավ ու երկար պինդ կմնա մեր բեզեն պատրաստի տորթի վրա
• Վերջ թխված է խմորը, այն կիսենք մեջտեղից 2 հավասար մասի
• Վերևից հավասարեցնելու համար կարող ենք մի փոքր խմոր կտրել առանձնացնել վերջում գեղեցիկ կձևավորենք սրանով
• Այժմ բեզեով պատելու ժամանակն է

• Մինչ մենք սա կվերջացնեք, դուք բաժանորդագրվեք այս համեղ բաղադրատոմսերով ալիքին, որպեսզի բաց չթողնեք առաջիկա համեղ թխվածքներն ու ուտեստները
• Կարծես փափուկ ձյունով պատված թավշյա քաղցրավենիք լինի, ես այն իսկապես շատ եմ սիրում, պարզապես հալվում է բերանում

Պատրաստ է մի Թափանցիկ Լիմոնով Տորթ․ Բերանում հալվող նրբություն։

Դե ինչ բարի ախորժակ։

Լիմոնով տորթ Տեսանյութ քայլ առ քայլ