Փակեք Խաղողը օշարակի մեջ, դրա շնորհիվ ձմռանը, նույնիսկ ամենացուրտ ժամանակ, այս աղանդերը նման կլինի մի կում արևի:
Նման պահածոյի համար կարելի է ցանկացած խաղող վերցնել։ Հարմար է ինչպես սպիտակը, այնպես էլ սևը, ինչպես կորիզներով, այնպես էլ առանց կորիզների: Սա կախված է ձեր ճաշակից: Իմացեք, որ ամեն դեպքում արդյունքը կլինի աներևակայելի համեղ։
Եթե խաղողն արդեն շատ քաղցր է, ինքներդ հարմարեցրեք բանկայի մեջ ավելացվող շաքարի քանակը: Ի դեպ, խորհուրդ ենք տալիս այս դեպքում խաղողին ավելացնել նաև 2 կիտրոնի շերտ: Այսպիսով, նման բուրավետ նրբագեղությանը կտաք եք մի փոքր թթվայնություն և ցիտրուսային նոտա:
Խաղողը օշարակի մեջ. Բաղադրիչներ
_Սպիտակ խաղող 1 կգ
_Սև խաղող 1,5 կգ
_Շաքարավազ 4 ճաշի գդալ
_Ջուր՝ ըստ ճաշակի
Խաղողը օշարակի մեջ. Պատրաստման եղանակը
_Խաղողը լավ ողողեք հոսող ջրի տակ։ Առանձնացնել հատիկները ողկույզներից։
_Ուշադիր լվացեք բանկաները:
_Մինչև վերև լցնել խաղողով:
_Յուրաքանչյուր բանկայի մեջ լցնում ենք մեկական ճաշի գդալ շաքարավազ և տաք ջուր։
_Կաթսայի հատակին սրբիչ փռել, բանկաները դնել այնպես, որ միմյանց չդիպչեն, ծածկել կափարիչներով:
_Լցնել սենյակային ջերմաստիճանի ջուր, միացնել կրակը:
_Հասցնել եռման աստիճանի և մանրէազերծել 15 րոպե։
_Հետո բանկաները հանել ու փակել փակարիչները։
_Շրջեք բանկաները գլխիվայր, փաթաթել վերմակով և թող ամբողջովին սառչի:
Այս պահածոյից ձմռանը կարող եք պատրաստել շատ համեղ կոմպոտ։ Պարզապես պետք է բացել բանկան և դրա պարունակությունը լցնել կաթսայի մեջ։ Այնուհետև 1,5 լիտր մաքուր ջուր լցնել և անհրաժեշտության դեպքում ավելացնել շաքարավազ։
Հասցնել եռման և վերջ, անուշահոտ խաղողի կոմպոտը պատրաստ է:
