Խնձորով ալադիներ. Փարթամ և քնքուշ, ինչպես խնձորով փքաբլիթները

Խնձորով ալադիներ պատրաստեք այս բաղադրատոմսով: Դրանք այնքան փափուկ և նուրբ են, որ հալչում են բերանում:

Մթերքների նվազագույն հավաքածու, իսկ արդյունքում ստացվում է շատ ախորժելի և բուրավետ նախաճաշ կամ խորտիկ:

Խնձորով ալադիներ. Անհրաժեշտ բաղադրիչները

_ կաթ 100 մլ

_ ձու 2 հատ

_ ալյուր 130 գ

_ շաքարավազ 60 գ

_ խնձոր 250 գ

_ 1 պտղունց աղ

_ կիտրոնի քերուկ՝ ըստ ճաշակի

_ կիտրոնի հյութ 1 թեյի գդալ

_ վանիլին և դարչին ըստ ճաշակի

Խնձորով ալադիներ. Պատրաստման եղանակը

_ Շաքարավազն ու աղը լցնել կաթի մեջ, ավելացնել ձուն, խառնել։

_ Ալյուրը մաղել և լցնել ջրիկ հիմքի մեջ, զանգվածը հարիչով հարել մինչև հարթ լինի։

_ Մաքրել խնձորները և կտրատել փոքր կտորներով։ Ավելի լավ է ընտրել խնձորի քաղցր սորտեր, որպեսզի թթվայնությունը չգերակշռի բլիթներում։

_ Խնձորի կտորները լցնել խմորի մեջ և խառնել։

_ Կիտրոնի քերուկը և կիտրոնի հյութը լցնել խմորի մեջ, ավելացնել վանիլին ըստ ճաշակի։

_ Ալադիների վրա ցանելու համար շաքարավազն ու դարչինը խառնել։

_ Բլիթները տապակել տաք բուսայուղով տապակի մեջ։ Շարել թղթե սրբիչների վրա, ավելորդ յուղը քամվելու համար, ապա դնել մատուցման ափսեի վրա և վրան ցանել դարչին- շաքար խառնուրդն ըստ ճաշակի:

Փարթամ, առանց սոդայի և փխրեցուցիչի, խնձորով շատ նուրբ և բուրավետ բլիթները հիանալի նախաճաշ կամ խորտիկ կլինեն:

Բարի ախորժակ:

Տեսանյութ

Փքուն ալադիներ