Խնձորով թխվածքաբլիթներ. Կարամելացված մրգի և դարչինի դասական համադրություն

Եգիպտացորենի ալյուրով պատրաստեք խնձորով թխվածքաբլիթներ:

Հյութալի մրգային միջուկն այս խմորեղենը դարձնում է աներևակայելի համեղ: Ահա թե ինչու դուք երբեք չեք կարող բավարարվել մեկ հատով: Ի վերջո, թարմ խմորեղենն ամենահամեղն ու բուրավետն է։ Այն պետք է անմիջապես մատուցել թեյի հետ։

Ձեր ժամանակը խնայելու համար խորհուրդ ենք տալիս հետևել բաղադրատոմսում նշված քայլերի հաջորդականությանը։ Նախ հունցել խմորը, և միայն դրանից հետո անցնել միջուկի պատրաստմանը։ Մինչ խմորը հանգստանում է սառցախցիկում, դուք ժամանակ կունենաք դարչինով խնձորներ կարամելացնելու համար:

Խնձորով թխվածքաբլիթներ. Բաղադրիչներ

_ Կարագ 180 գ

_ Շաքարավազ 170 գ

_ Եգիպտացորենի ալյուր 170 գ

_ Ցորենի ալյուր 150 գ

_ Աղ 0,25 թեյիի գդալ

_ Փխրեցուցիչ 1,5 թեյի գդալ

_ Կաթ 50 մլ

_ Ձու 1 հատ

_ Դարչին 1 թեյի գդալ

_ Խնձոր 2 հատ

Խնձորով թխվածքաբլիթներ. Պատրաստման եղանակը

_ Խորը ամանի մեջ միացնել մաղած ցորենի ու եգիպտացորենի ալյուրը։

_ Լցնել աղ, 100 գ շաքարավազ և փխրեցուցիչ։ Մանրակրկիտ խառնել։ Ավելացնել 150 գ կարագ։ Ամեն ինչ լավ մանրացնել, մինչև փշուրների աստիճան։

_ Ավելացնել կաթն ու ձուն, համասեռ խմոր հունցել։ Դնել այն տոպրակի մեջ և 20 րոպեով թողնել սառնարանում։

_ Պատրաստել միջուկը. Խնձորները լավ լվանալ, հեռացնել միջուկները, կտրատել փոքր խորանարդիկներով։

_ Տապակի մեջ լցնել 70 գ շաքարավազ և 30 գ կարագ, լավ խառնել դրանք։ Կրակի վրա պահել 1 րոպե։

_ Երբ կարագը հալվի, ավելացնել մանր կտրատած խնձորները։ Խառնել մանրակրկիտորեն և մարմանդ կրակ անել տապակի տակ:

_Կափարիչով ծածկել խնձորները: Եփել դրանք 5 րոպե։ Այնուհետև ավելացնել աղացած դարչինն ու խառնել։

_ Կրակի վրա պահել ևս 2 րոպե, այժմ թողեք, որ միջուկը սառչի։

_ Աշխատանքային մակերեսին ցանել ալյուր, վրան խմորը գրտնակել բարակ ուղղանկյունու նման:

_ Վրան քսել սառած խնձորի միջուկը՝ հավասարաչափ բաշխելով։ Հետո խմորը փաթաթել:

_ Կտրել ստացված ռուլետը նույն չափի կտորներով և շարել յուղաթղթով ծածկված ջեռոցի տապակի վրա:

_ Թխել 180 աստիճան տաքացրած ջեռոցում 20-25 րոպե։

Թխվածքաբլիթների վրա ցանել շաքարի փոշի և պատրաստվեք հաճոյախոսություններ ստանալու ձեր խոհարարական հմտությունների վերաբերյալ: Ընտանիքն, անշուշտ, կգնահատի ձեր ջանքերը:

Բարի ախորժակ:

Տեսանյութ

Ռուլետ 3 բաղադրիչից