Խնձորով կարկանդակ. Եթերային, համեղ թխվածքի բաղադրատոմս
Ես խնձորով կարկանդակներ շատ եմ փորձել: Մեծ մասը պատրաստել եմ ինքնուրույն, երբեմն խանութից եմ գնել կամ հյուրասիրվել երեկույթների ժամանակ: Եվ արդեն ավելի քան 10 տարի այս համեղ աղանդերն իմ ամենասիրելին է:
Աշխատակցուհիս ինձ տվեց խնձորով կարկանդակի բաղադրատոմսը՝ խորհուրդ տալով պատրաստել այն ծննդյան տորթի փոխարեն: Շատ երախտապարտ եմ նրան:
Տորթի փխրուն հիմքը ներծծվում է խնձորի հյութով: Խմորեղենը պարունակում է մեծ քանակությամբ խնձորի միջուկ` ցիտրուսային բույրով: Եվ այս ամբողջ շքեղությունն ավարտվում է հարած սպիտակուցների օդային բեզեով:
Խնձորով կարկանդակ. Անհրաժեշտ բաղադրիչները
- Դեղնուցներ 3 հատ
- Ցորենի ալյուր 130 գ
- Շաքարավազ 130 գ
- Վանիլային շաքար 20 գ
- Կարագ 90 գ
- Փխրեցուցիչ 0.5 թեյի գդալ
- Խնձոր 1,2 կգ
- Ձվի սպիտակուցներ 3 հատ
- Կիտրոնի կեղևի քերուկ 1 թեյի գդալ
- Կիտրոնի հյութ 1 թեյի գդալ
- Աղ 2 պտղունց
Խնձորով կարկանդակ. Պատրաստման եղանակը
- Ամանի մեջ խառնել թուլացած կարագը, ձվի դեղնուցները, 30 գ շաքարավազը, 10 գ վանիլային շաքարը և մի պտղունց աղ: Խառնել հարիչով, մինչև հարթ զանգված լինի:
- Ալյուրը խառնել փխրեցուցիչի հետ և ավելացնել կարագի զանգվածին: Հունցել փափուկ խմոր, ծածկել սննդային թաղանթով և դնել սառնարանում 30 րոպե: Խնձորները մաքրել և քերել խոշոր քերիչով: Ավելացնել 50 գ շաքարավազ և կիտրոնի համ: Խառնել և դնել ուժեղ կրակի վրա: Պարբերաբար խառնելով եփել մոտ 15 րոպե:
- Խմորի մեկ երրորդ մասն առանձնացնել: Մնացած խմորից պատրաստել կարկանդակի հիմք՝ այն տարածելով յուղաթղթոով ծածկված բացվող կողմերով ձևամանի մեջ: Թխել հիմքը 10 րոպե 180 աստիճանի տակ:
- Ձվի սպիտակուցներին ավելացնել մի պտղունց աղ և կիտրոնի հյութ: Հարել մինչև սպիտակ փրփուր դառնա, ապա ավելացնել մնացած շաքարի և վանիլի շաքարի մասերը: Շարունակեք հարել մինչև պինդ գագաթներ ստացվեն:
- Լցնել սառեցված խնձորի միջուկը խմորի հիմքի վրա, ապա հարած ձվի սպիտակուցները հավասարապես տարածել: Վրան խոշոր քերիչով քերել առանձնացված խմորը և ուղարկել ջեռոց: Թխել 30 րոպե նույն ջերմաստիճանում:
- Թող խնձորով կարկանդակն ամբողջովին սառչի: Այդ դեպքում այն ավելի լավ կպահպանի իր ձևը:
Խնձորով կարկանդակը պատրաստ է, այն աներևակայելի քնքուշ և համեղ է: Համոզված եմ, որ դուք նույնպես կցանկանաք պատրաստել այս համեղ թխվածքը:
Բարի ախորժակ
Տեսանյութ
Խնձորով աղանդեր
