Խորոված սունկ պատրաստելու ամենատարածված տարբերակն է, երբ այն խորովում են կրակի վրա, բնության գրկում: Իհարկե, այդ դեպքում ամեն ինչ տրամադրում է` բնությունը, մաքուր օդը, խարույկի ծուխը:
Բայց կյանքի այս ռիթմում միշտ չէ, որ նման հնարավորություն ունենք: Այնուամենայնիվ համեղ սունկը միշտ կարող է բոլորին հաճույք պատճառել, եթե հետաքրքիր տարբերակով պատրաստվի:
Այս բաղադրատոմսով չքնաղահամ սունկն ավելի նուրբ ու հյութեղ է: Խորհուրդ ենք տալիս փորձել: Այս ուտեստը կատարյալ է տոնական սեղանի և ընտանեկան ընթրիքի համար:
Խորոված սունկ. Բաղադրությունը
_600 գր շամպինիոն
_4 ճաշի գդալ արևածաղկի ձեթ
_4 ճաշի գդալ սոյայի սոուս
_2 թեյի գդալ կիտրոնի հյութ
_սամիթ` ըստ ճաշակի
_1 թեյի գդալ պապրիկա
_փայտե շամփուրներ
_սննդային փակվող տոպրակ
Խորոված սունկ. Քայլ առ քայլ բաղադրատոմս
_Լվացեք սնկերը, չորացրեք թղթի սրբիչով և դրեք սննդի տոպրակի մեջ:
_Սնկին ավելացրեք պապրիկա, բուսական յուղ, սոյայի սոուս, աղ, սամիթ և կիտրոնի հյութ:
_Ամրացրեք տոպրակի բերանը, մի քանի անգամ շրջեք, որպեսզի սնկերը հավասարաչափ ծածկվեն մարինադով և մարինացվեն 20-25 րոպե:
_Մի քանի րոպե թողեք շամփուրները ջրի մեջ, ապա դրանց վրա սնկացրեք սնկերը:
_Շամփուրով սնկերը շարեք ջեռոցի տապակի վրա և դրեք նախապես 200 ° C տաքացված ջեռոցը 15-18 րոպե:
_Նման խորովածը համեղ է, և տաք վիճակում, և սառը:
Տեսանյութ
Սունկը շատ համեղ մթերք է, որն անփոխարինելի է յուրաքանչյուրի խոհանոցում: Առաջարկում ենք պատրաստել նաև
Ժուլիեն Սնկով և Հավի Մսով — Դասական Սնկով Ժուլիենի Բաղադրատոմս
Բարի ախորժակ:
