Ամառն առանց ծիրանի հնարավոր չէ պատկերացնել, իսկ ձմեռն արդեն՝ Ծիրանի մուրաբան կզարդարի ձեր թեյի սեղանը: Մուրաբան Ամարետտո է կոչվում կորիզների հաղորդած անսովոր նուրբ նուշի բույրի պատճառով:
Նման շքեղ համով մուրաբա չեք գտնի խանութներում, այնպես որ, պատրաստեք տանը, մանավանդ որ բոլորովին դժվար չէ: Միակ բարդությունը կորիզները կոտրելն է, իսկ մյուս քայլերը ձեզանից մեծ ջանքեր չեն պահանջի: Եվ այսպես, անցնենք գործի)
Ծիրանի մուրաբա Ամարետտո. Բաղադրիչներ
_Ծիրան 2 կգ
_Շաքարավազ 1,5 կգ
_Կիտրոն 0,5 հատ
Ծիրանի մուրաբա Ամարետտո. Պատրաստման եղանակը
_Ծիրանը լվանալ, տեսակավորել, ապա չորացնել։
_Պտուղները կիսել մեջտեղից, հեռացնել կորիզները։
_Ծիրանի վրա լցնել շաքարավազը, թողնել 2-3 ժամ, որպեսզի պտուղները հյութ արձակեն։
_Հետո կրակի վրա դնել, երբ սկսի եռալ, կրակն իջեցրեք, եփեք 20 րոպե՝ պարբերաբար հեռացնելով փրփուրը։
_Մաքրած ամբողջական կորիզները լցնել մուրաբայի ամանի մեջ։
_Ավելացնել կես կիտրոնի հյութ, խառնել և եփել ևս 2 ժամ՝ ժամանակ առ ժամանակ խառնելով։
_Մուրաբան լցնել ստերիլիզացված բանկաների մեջ և փակել:
Կախված մրգի հյութալիությունից և եռման աստիճանից՝ պետք է ստացվի մոտ 4 լիտր համեղ, բուրավետ մուրաբա։ Նրա հոտը կհիշեցնի հայտնի նուշի լիկյորը։ Անպայման փորձեք:
Բարի ախորժակ:
Տեսանյութ
Թափանցիկ ծիրանի կոնֆիտյուր
