Ծույլ աղցան ձմռան համար. Դասական պահածոներն արդեն մառանում են, բայց կարծում եմ կարելի է էլի նոր համեղ բան պատրաստել: Նման դեպքերում կարելի է դիմել այս բաղադրատոմսին, որն առաջին անգամ փորձեցի անցյալ տարի: Սա արագ աղցան է ձմռան համար, որը կարող է պատրաստել նույնիսկ սկսնակ տնային տնտեսուհին:
Բանջարեղենը մնում է պայծառ, գեղեցիկ և խրթխրթան: Այս պահածոն անպայման կուրախացնի ձեզ:
Ի դեպ, ես առաջին անգամ ձմռան համար այս ծույլ աղցանը պատրաստեցի ոչ թե կաղամբով, այլ շերտերով կտրված վարունգներով: Շատ համեղ էր ստացվել:
Ծույլ աղցան ձմռան համար. Անհրաժեշտ բաղադրիչներ
_Գազար 800 գ
_Սոխ 500 գ
_Բուլղարական պղպեղ 1 կգ
_Լոլիկ 1 կգ
_Սպիտակ կաղամբ 1 կգ
_Սև պղպեղ (հատիկներով) 40 գ
_Արևածաղկի ձեթ 8 ճաշի գդալ
_Աղ 8 թեյի գդալ
_Շաքարավազ 8 ճաշի գդալ
_Քացախ 4 ճաշի գդալ
Ծույլ աղցան ձմռան համար. Պատրաստման եղանակը
_Յուրաքանչյուր բանկայի մեջ գցել 5 պղպեղի հատիկ: Դրանից հետո լցնել կորեական քերիչով քերած գազարը:
_Կտրել սոխը կես օղակներով, լցնել բանկաների մեջ և սեղմել: Հաջորդ շերտով բուլղարական պղպեղն է, որը կտրված է շերտերով: Կտրել կաղամբը և շարել բանկաների մեջ, նորից սեղմել ամբողջը: Կտրել լոլիկը շերտերով և վերջին շերտով շարել բանկաների մեջ:
_Յուրաքանչյուր բանկայի մեջ ավելացնել 1 ճաշի գդալ բուսական յուղ: Յուրաքանչյուր բանկայի համար մարինադ պատրաստելու համար խառնել 1 թեյի գդալ աղ, 1 ճաշի գդալ շաքար, 0.5 ճաշի գդալ քացախ եւ 4 ճաշի գդալ ջուր: Լավ խառնել և մարինադը լցնել բանկայի մեջ:
_Կափարիչները դնել բանկաների վրա և դրանք շարել կաթսայի մեջ, որի հատակին սրբիչ է գցված: Լցնել տաք ջուր և եռացնել, ապա եփել ևս 25 րոպե: Կափարիչներով փակել աղցանը և թողնել, որ սառչեն:
Ձմեռային նախուտեստի համար բաղադրիչների քանակը նախատեսված է 8 հատ կես լիտրանոց տարաների համար: Եթե ուզում եք ավելի քիչ, կամ շատ պատրաստել, ապա պետք է համաչափորեն կարգավորել մթերքների քանակը:
Ծույլ աղցանը ձմռան համար պատրաստ է:
Բարի ախորժակ: