Ծույլ կարկանդակ խտացրած կաթով. Ամենամատչելի մթերքներով աղանդերը
Եփած խտացրած կաթը երեխայիս սիրած քաղցրեղեններից մեկն է և իմը նույնպես: Ես հիմա էլ, ինչպես մանկության տարիներին, չեմ կարող հագենալ այսպես կոչված «Ընկույզներ» թխվածքից: Բոլոր մյուս աղանդերի շարքում եփած խտացրած կաթն ունի հատկապես հաճելի համ ու բույր: Դրա շնորհիվ ցանկացած թխվածք անմիջապես ձեռք է բերում կարամելի նուրբ և քաղցր համ: Քանի որ ես անկուշտ քաղցրասեր եմ, պարզապես չէի կարող անտեսել խտացրած կաթով այս տորթը:
Եթե դուք նույնպես սիրում եք տնական պարզ, քաղցր խմորեղեն, այս ծույլ տորթի բաղադրատոմսը հենց ձեզ համար է: Նախ, տնական խմորիչով խմորի և եփած խտացրած կաթի համադրությունը զարմանալի համ է հաղորդում: Երկրորդ՝ թխելու պրոցեսը պահանջում է նվազագույն ջանք ու ծախս: Հետևաբար, նույնիսկ, եթե դուք թխելու հետ ընկերներ չեք, կարող եք վստահորեն ձեռնամուխ լինել այս տորթի թխմանը:
Ծույլ կարկանդակ խտացրած կաթով. Անհրաժեշտ բաղադրիչները
- Ցորենի ալյուր 450 գ
- Կաթ 200 մլ
- Շաքար 100 գ
- Վանիլային շաքար 1 ճաշի գդալ
- Թթվասեր 100 գ
- Ձու 2 հատ
- Խմորիչ 6 գ
- Աղ` ըստ ճաշակի
- Եփած խտացրած կաթ 370 գ
- Ձվի դեղնուց 1 հատ
Ծույլ կարկանդակ խտացրած կաթով. Պատրաստման եղանակը
- Խառնել ալյուրը, կաթը, շաքարը, թթվասերը, ձվերը, խմորիչը և մի պտղունց աղ և խմորը հունցեք շիլայի թանձրության:
- Թողնել այն հասունանա և բարձրանա 40 րոպե:
- 25 սմ տրամագծով կաղապարը կարագով յուղել:
- Խմորը երկու մասի բաժանել:
- Տեղադրել մի մասը կաղապարի մեջ, ձեռքով տարածել ներքևում:
- Վրան լցնել մի բանկա եփած խտացրած կաթ: Խտացրած կաթը ծածկել մնացած խմորով:
- Ծածկել սննդային թաղանթով և թող մնա 15 րոպե:
- Խտացրած կաթով կարկանդակի վրա քսել հարած դեղնուց:
- Թխել 180 աստիճան տաքացրած ջեռոցում 30 րոպե:
Ինչպես տեսնում եք, կարկանդակը պատրաստելը հեշտ է և պարզ: Եվ երեխաները, և մեծահասակները ոգևորությամբ կլանում են այս փափուկ, մի փոքր խոնավ թխվածքը խտացրած կաթով: Աղանդերը պարզապես հեքիաթ է, թեյի համար ավելի արագ ու համեղ բան չես պատկերացնի:
Ծույլ կարկանդակը խտացրած կաթով պատրաստ է:
Բարի ախորժակ:
Տեսանյութ
Տորթ Իրիսկա
