Կաթնային թխվածքաբլիթներ բոլոր առիթների համար. Փխրուն և փափուկ, քնքուշ

Պատրաստենք կաթնային թխվածքաբլիթներ, որոնք Կատարյալ հարմար են և թեյի, և մի բաժակ անուշաբույր սուրճի հետ վայելելու համար:

Կաթնային թխվածաքաբլիթներ պատրաստելը շատ պարզ և հեշտ է, բայց արդյունքը կգերազանցի բոլոր սպասելիքները:

Կաթնային թխվածքաբլիթներ. Անհրաժեշտ բաղադրիչներ

_Փափուկ կարագ 115 գ

_Շաքար 120-130 գ

_Ձու 1 հատ

_Կաթ 150 մլ

_Փխրեցուցիչ 15 գ

_Աղ 1 պտղունց

_Նարնջի համ

_Ալյուր 500 գ

_Շաքարի փոշի` զարդարելու համար

Կաթնային թխվածքաբլիթներ. Պատրաստման եղանակը

_Փափուկ կարագը դնել խորը ամանի մեջ, ավելացնել շաքարավազը և հարել մինչև միատարր զանգված ստացվի:

_Այնուհետև ավելացնել մի պտղունց աղ և հարել ձուն:

_Հաջորդը, լցնել կաթի մեջ նարնջի համը և խառնել: Դրանից հետո լցնել խմորի փխրեցուցիչը և ավելացնել մաղած ալյուրը: Խմորը խառնել նախ խառնիչով, ապա՝ ձեռքով: Խմորը պետք է լինի փափուկ և չկպչի ձեր ձեռքերին:

_Խմորը փաթեթավորեք կպչուն թաղանթով և դնել սառնարանում 15-20 րոպե: Այն հանելուց հետո ձևավորել բլիթները ձեզ համար հարմար եղանակով: Դրանք կարող են լինել գնդիկներ, շրջանակներ կամ ցանկացած այլ ձևի:

_Մնաց միայն մի քայլ` շարել պատրաստված թխվածքաբլիթները յուղաթղթով ծածկված տապակի վրա և նախապես տաքացված ջեռոցում դնել 15-20 րոպե մինչև ոսկե դարչնագույն:

Թող մի քիչ սառչի և շաղ տալ շաքարի փոշով:

Կաթնային թխվածքաբլիթները պատրաստ են: Արտաքինից մի փոքր փխրուն է, իսկ ներսը` փափուկ, նուրբ, նարնջահամի նոտաներով:

Բարի ախորժակ:

Տեսանյութ

Կաթնաշոռով թխվածքաբլիթներ