Ես ինքս եմ պատրաստում կաթնային շոռակարկանդակ։ Այսպիսով, վերահսկում եմ շաքարի քանակը և արտադրանքի որակը:
Շոռակարկանդակն այնքան նուրբ և բուրավետ է ստացվում կիտրոնի համի և պուդինգի շնորհիվ: Վերջինս կարելի է փոխարինել օսլայով։ Ինչ փուլում եմ դրանք ավելացնում և ինչ քանակությամբ, կտեսնեք ստորև։
Նման քանակի մթերքներից կարկանդակն ավելի լավ է թխել 24 սմ տրամագծով բացվող կաղապարի մեջ: Խորհուրդ եմ տալիս նախապես սառնարանից հանել անհրաժեշտ մթերքները: Դրանք պետք է լինեն սառը, բայց փափուկ:
Նուրբ կաթնային շոռակարկանդակ. Բաղադրիչներ
_Ձու 4 հատ
_Կարագ 70 գ
_Վանիլային շաքար 40 գ
_Շաքարավազ 225 գ
_Աղ 1 պտղունց
_Ցորենի ալյուր 200 գ
_Փխրեցուցիչ 5 գ
_Կաթնաշոռ 600 գ
_Եգիպտացորենի օսլա 10 գ
_Կաթ 250 մլ
_Կիտրոն 1 հատ
Նուրբ կաթնային շոռակարկանդակ. Պատրաստման եղանակը
_Հարիչով հարել ձուն 75 գ շաքարավազի և 10 գ վանիլային շաքարի հետ, մինչև հարթ լինի։
_Այս խառնուրդի մեջ խառնել 70 գ փափկած կարագը։
_Ալյուրը խառնել փխրեցուցիչի և մի պտղունց աղի հետ։
_Մի քանի փուլով, բահիկով այս չոր խառնուրդը լցնել ձվի- կարագի խառնուրդի մեջ։
_Խմորը հունցել ալյուր ցանած աշխատասեղանի վրա, մինչև այն դադարի կպչել ձեռքերին:
_Խմորը բաժանել երկու մասի՝ մի քիչ մեծ, մի քիչ փոքր։
_Մեծ կտորը գրտնակել կլոր շերտով՝ ըստ կաղապարի չափի։
_Դնել այն կաղապարի մեջ փռված յուղաթղթի վրա:
_Խմորի փոքր մասից երշիկ ձևավորել և դնել կաղապարի եզրով:
_Ձևավորել հարթ կողմեր, պատառաքաղով անցքեր բացեք:
_Այժմ սկսենք պատրաստել միջուկը։
_3 ձուն հարիչով հարել 150 գ շաքարավազի և վանիլի մնացորդի հետ։
_Փրփրուն ձվային զանգվածի մեջ աստիճանաբար լցնել կաթնաշոռը։
_Զանգվածը տրորել սուզվող բլենդերով, հետո խառնել մեկ կիտրոնի կեղևի քերուկ:
_Կաթն ու եգիպտացորենի օսլան աստիճանաբար խառնել կաթնաշոռի զանգվածի մեջ։
_Զանգվածը հարել մինչև հարթ լինի։ Այնուհետև միջուկը լցնել խմորի վրա։
_Խմորեղենը թխել 170 աստիճան տաքացրած ջեռոցում 45 րոպե։
_Կարկանդակին ախորժելի կեղև տալու համար ջերմաստիճանը բարձրացնել մինչև 180 աստիճան և եփել ևս 15 րոպե։
Այնուհետև թխվածքը թողնել կիսաբաց ջեռոցում ևս կես ժամ։
Ահա կաթնային շոռակարկանդակը պատրաստ է։ Սպասեք, որ սառչի և ցանեք շաքարի փոշի։
Բարի ախորժակ:
Տեսանյութ
Կաթնաշոռով թխվածքաբլիթներ
