Կաթնաշոռով բլիթներ խնձորի միջուկով. Անհնար է դիմակայել գայթակղությանը

Առաջարկում եմ պատրաստել Կաթնաշոռով բլիթներ խնձորի միջուկով: Սա իսկական խոհարարական հրաշք է։

Պարզապես պատկերացրեք՝ կաթնաշոռի համով նուրբ հիմք, իսկ ներսում կարամելացված խնձորով հյութալի միջուկ: Բուլկիների վրա ցանում եմ կակաչի սերմեր կամ քնջութ։ Թխվածքին կարող եք տալ ցանկացած տեսք, բայց ես նախընտրում եմ պատրաստել վարդերի տեսքով: Ստացվում է նույնիսկ ավելի գեղեցիկ, քան բրենդային հրուշակարաններում:

Դիետա պահելը ամենևին էլ իմը չէ։ Ինչպե՞ս կարող եմ դիմակայել գայթակղությանը, երբ  այսքան համեղ թխվածքներ կան տանը:

Փորձեք ինքներդ և կհասկանաք իմ հիացմունքի պատճառը )

Կաթնաշոռով բլիթներ խնձորի միջուկով. Անհրաժեշտ բաղադրիչներ

_Կաթնաշոռ 300 գ

_Շաքարավազ 200 գ

_Ձու 2 հատ

_Արևածաղկի ձեթ 180 մլ

_Վանիլային շաքարավազ 15 գ

_Ցորենի ալյուր 500 գ

_Փխրեցուցիչ 2 թեյի գդալ

_Խնձոր 2 հատ

_Կարագ 25 գ

_Դարչին 1 թեյի գդալ

_Ձվի դեղնուց 1 հատ

_Կաթ 1 ճաշի գդալ

_Կակաչի սերմեր 1 ճաշի գդալ

 

Կաթնաշոռով բլիթներ խնձորի միջուկով. Պատրաստման եղանակը

_Խորը ամանի մեջ կաթնաշոռը 150 գ սովորական շաքարավազի և վանիլային շաքարի հետ տրորել պատառաքաղով կամ հարել բլենդերով, մինչև հարթվի:

_Մեջը կոտրել ձվերը, հարել, ավելացնել հոտազերծված արևածաղկի ձեթ և լավ խառնել։

_Ալյուրը մաղել փխրեցուցիչով և լցնել կաթնաշոռային զանգվածի մեջ։

_Հունցել ձեռքերին չկպչող փափուկ խմոր, ծածկել թաղանթով և դնել սառնարանը։

_Մաքրեք խնձորները կեղևից և միջուկից, ապա կտրել միջին չափի խորանարդներ։

_Տապակը տաքացնել, մեջը լցնել կարագն ու մնացած շաքարավազը։

Երբ շաքարավազը սկսի գույնը փոխել, ավելացնել խնձորները և եփել միջին ջերմության վրա 5 րոպե՝ երբեմն խառնելով։

_Խնձորների վրա շաղ տալ դարչին և կարամելացնել ևս 1 րոպե։ Կտորները պետք է մնան ամբողջական, բայց բավական փափուկ:

_Միջուկը լցնել ամանի մեջ և թողնել սառչի։

_Խմորը բաժանել միջին չափի կտորների։ Յուրաքանչյուրը գրտնակել 18սմ շրջանակով, 4 մասի կտրել, կարծես շրջանը հավասար հատվածների բաժանելով, բայց մեջտեղը թողնել անձեռնմխելի։

_Խնձորները լցնել մեջտեղում և փաթաթել խմորի թերթիկներով՝ ձևավորելով ծաղիկ։

_Բուլկիները դնել յուղաթղթով պատված ջեռոցի տապակի վրա:

_Դեղնուցը հարել կաթի հետ և ստացված զանգվածը քսել խմորին։

_Ցանել կակաչի սերմեր և թխել 30-35 րոպե 180 աստիճան ջերմաստիճանում։

Բառերը չեն կարող արտահայտել, թե որքան բուրավետ և համեղ են խնձորով Կաթնաշոռով բլիթները։ Պարզապես պետք է փորձել ինքներդ:

Բարի ախորժակ:

Տեսանյութ

Կաթնաշոռով թխվածքաբլիթներ