Կաթնաշոռով կարկանդակ Հրեշտակի արցունքներ. Շատ նուրբ ու քաղցր բեզեով աղանդեր
Իսկապես կախարդական կաթնաշոռային տորթի սիրված բաղադրատոմս ենք առաջարկում:
Կախարդական, ոչ թե այն պատճառով, որ աներևակայելի համեղ է (չնայած սա նույնպես), այլ այն պատճառով, որ դրա պատրաստման գործընթացը հրաշք է թվում:
Թխվածքի ամբողջովին սառչելուն պես, նրա մակերեսին հայտնվում են ոսկե ուլունքներ-կաթիլներ: Դա է պատճառը, որ նրբությունը կոչվում է «Հրեշտակի արցունքներ»: Եթե երեխաներ ունեք, ապա նման տորթ պատրաստելը, այնուհետև այն ուտելը նրանց համար անմոռանալի արկած կլինի:
Կաթնաշոռով կարկանդակ Հրեշտակի արցունքներ. Անհրաժեշտ բաղադրիչներ
Հիմքի համար
_Ալյուր 1 բաժակ
_Փխրեցուցիչ 1 թեյի գդալ
_Կարագ 80 գ
_Շաքար 2 ճաշի գդալ
_Հավի ձու 1 հատ
Լրացում
_Կաթնաշոռ 500 գր
_Շաքար 0,5 բաժակ
_Ձվի դեղնուց 3 հատ
_Սպիտակաձավար 1 ճաշի գդալ
_Թթվասեր (կամ յուղալի սերուցք) 100 գր
_Վանիլ՝ ըստ ճաշակի
Սուֆլե
_Ձվի սպիտակուց 3 հատ
_Շաքարի փոշի 3 ճաշի գդալ
Կաթնաշոռով կարկանդակ Հրեշտակի արցունքներ. Պատրաստման եղանակը
_Սկսենք խմորից: Խառնել ալյուրը և փխրեցուցիչը: Սառնարանից հանած կարագը դանակով կտրատել կտորների, որոնք պետք է լցնել նույն տարայի մեջ:
_Հարել ձվերը և շաքարավազը, խառնուրդը նույնպես լցնել ընդհանուր ամանի մեջ, խմորը հունցել:
_Փաթաթել սննդային թաղանթով և կես ժամ դնել սառնարանում:
_Այդ ընթացքում կաթնաշոռով լցոնի պատրաստման համար բլենդերով հարել բոլոր նշված բաղադրիչները միատարր զանգվածի աստիճան:
_Սուֆլեի համար սպիտակուցները հարել մինչև փրփուրի վիճակ՝ աստիճանաբար ավելացնելով շաքարի փոշի: Դա պետք է արվի հնարավորինս զգույշ, քանի որ մեր կախարդական «արցունքների» ստացվելը կախված է սպիտակուցները հարելու որակից:
_Լցոնն ու սուֆլեն պատրաս են, իսկ խմորը բավականաչափ սառել է:
_Խմորը տարածեցինք կաղապարի մեջ, մոտ կես սանտիմետր բարձրությամբ կողմերը կազմելով:
_Խմորի վրա լցնել միջուկը: Ձևամանը դնել 180 աստիճան տաքացրած ջեռոցի մեջ մոտ կես ժամ:
_Այժմ հանել և վրան տարածել սուֆլեն: Թխել ևս տասը րոպե: Հենց որ մակերեսը ոսկե երանգ ստանա, անջատեք ջեռոցը: Շատ կարևոր է չափից ավելի չպահելը:
_Անջատած ջեռոցում, դուռը բաց վիճակում սառեցնել կարկանդակը: Լավ կլինի այսպես պահել հինգ ժամ կամ նույնիսկ մի ամբողջ գիշեր:
Հուզիչ պահ է՝ Մոտ մեկ ժամ նման սպասումից հետո կաթիլները կսկսեն հայտնվել մակերեսին: Ես չգիտեմ, թե ինչ զարմանքի և ուրախության հետ կարելի է համեմատել, երբ քո հրուշակի վրա հայտնվում են «հրեշտակի արցունքներ»:
Կարծում եմ ՝ այս զգացողությունն այնքան կխորանա ձեր հոգու մեջ, որ մեկ անգամ չէ, որ խանդավառությամբ կդիմեք այս բաղադրատոմսին:
Կաթնաշոռով կարկանդակը պատրաստ է:
Բարի ախորժակ
Տեսանյութ
Կարակում թխվածք մեր քաղցր մանկությունից
