Կաթնաշոռով կարկանդակ պատրաստելու համար վերցնում ենք մթերքների դասական և ամենահաջող համադրությունը քաղցր թխվածքի համար:
Կարկանդակը շատ նուրբ է ստացվում, փափուկ, իսկ եթե կաթնաշոռի միջուկին ավելացնեք ցիտրուսային համ, ապա մի փոքր թթվայնությունը էլ ավելի շքեղ համ կհաղորդի։
Կաթնաշոռով կարկանդակ. Անհրաժեշտ բաղադրիչները
_Կարագ 200 գր
_Ալյուր 450 գր
_Ձու 2 հատ
_Շաքարավազ 120 գր
_Փխրեցուցիչ 1 թեյի գդալ
_Մի պտղունց աղ
Միջուկը պատրաստելու համար
_Կաթնաշոռ 550 գր
_Աղ մի պտղունց
_Շաքարավազ 200 գր
_Ձու 2 հատ
_Թթվասեր 2 ճաշի գդալ
Կաթնաշոռով կարկանդակ. Պատրաստման եղանակը
_Քերել սառեցված կարագը խոշոր քերիչով՝ մաղած ալյուրի մեջ, մի պտղունց աղ և փխրեցուցիչը ավելացնել:
_Զանգվածը ձեռքերով մանրացնելով փշրանքների վերածել։
_Ձուն խառնել շաքարավազի հետ և հարել, մինչև փարթամ ու հարթ լինի:
_Ձվի զանգվածը լցնել կարագի և ալյուրի փշրանքների վրա, հունցել փափուկ և ճկուն, հարթ խմոր։
_Խմորը բաժանել 2 մասի, դնել տոպրակների մեջ և 1 ժամով դնել սառցարանը։
_Միջուկի համար խառնել բոլոր բաղադրիչները, կարելի է հարել սուզվող բլենդերով, մինչև հարթվի:
_Ցանկության դեպքում միջուկին կարելի է ավելացնել կիտրոնի քերուկ կամ չամիչ, չոր ծիրանի կտորներ և այլ քաղցր հավելումներ։
_Խմորի մեծ մասը գրտնակել ալյուր ցանած սեղանի վրա, տեղափոխել յուղաթղթով ծածկված ձևամանի մեջ և կողքեր ձևավորել։
_Միջուկը լցնել, հարթեցնել և խմորի երկրորդ մասը քերել խոշոր քերիչով։
_Թխել 180 աստիճանով մոտ 30-40 րոպե, բայց ըստ ջեռոցի։
_Թխվածքը թավայի մեջ թողնել սառչի, հետո հանել ու ցանկության դեպքում՝ շաքարի փոշի ցանել։
Ստացվում էամենաքնքուշն է, փափուկ, խոնավ թխվածք, որը է կատարյալ թեյի հետ, նախաճաշելու համար:
Բարի ախորժակ:
Տեսանյութ
Կաթնաշոռով թխվածքաբլիթներ
