Կաթնաշոռով կեքս. Այնքան համեղ, որ դուք կցանկանաք դրանք ամեն օր պատրաստել նախաճաշի համար, քանի որ այս հրաշալի համը ձեզ շատ դուր կգա:
Այս հրաշքը շատ ախորժելի է, անուշաբույր և առողջարար: Եթթե ամեն օր էլ նախաճաշին, կամ թեյի հետ սա մատուցեք, միևնույն է, չի ձանձրացնի: Անմահական համով այս մաֆինները կուրախացնեն ձեզ և ձեր սիրելիներին անհավատալի և անհամեմատելի համով:
Կաթնաշոռով կեքս. Անհրաժեշտ բաղադրիչներ.
- Կաթնաշոռ 600 գ
- Ձու 3 հատ
- Շաքարավազ 3 ճաշի գդալ
- Աղ մի պտղունց
- Ալյուր 200 գ
- Փխրեցուցիչ 10 գ
- Թթվասեր 3 ճաշի գդալ
- Վանիլին
- Կիտրոնի էսենցիա
Կաթնաշոռով կեքս. Պատրաստման եղանակը
- Անհրաժեշտ է վերցնել խորը աման, որի մեջ պետք է լցնել կաթնաշոռը և տրորել պատառաքաղով, ապա դրա վրա ավելացնել շաքար և աղ: Խառնել ամեն ինչ մանրակրկիտ կերպով:
- Ձվերը կոտրել տրորած կաթնաշոռի վրա, լավ խառնել: Ավելացնել մի փոքր կիտրոնի էսենցիա (բայց զգույշ եղեք, որովհետև չափը խախտելիս դառնահամ կզգացվի) և վանիլինը, հետո ավելացնել թթվասերը: Խառնել ամեն ինչ մանրակրկիտորեն:
- Այժմ պետք է խառնել ալյուրը և փխրեցուցիչը: Մաղելով լցնել և զգուշորեն, ուշադիր խառնել այնպես, որ գնդիկներ չմնան:
- Վերցնել սիլիկոնե ձևաման կեքսերի համար, և խմորը կեսից մի փոքր ավելի չափով դրա մեջ լցնել գդալով:
- Նախապես տաքացած ջեռոցում պետք է թխել 20 րոպե:
Կաթնաշոռով կեքսը պատրաստ է: Կաթնաշոռի շնորհիվ դրանք այնքան քնքուշ և փափուկ են, որ մատները հետը կուտեն նրանք, ում հաճույք կպատճառեք սրանք հյուրասիրելով:
Բարի ախորժակ:
Տեսանյութ
Նուրբ թխվածքաբլիթներ
