Եթե տանը կաթնաշոռ կա, ուրեմն նախաճաշի մասին չեք մտածի, կարելի է պատրաստել կաթնաշոռով ձողիկներ խնձորով:
Կաթնաշոռի դասական ձողիկներն էլ ավելի համեղ կարող են լինել, եթե ավելացնեք մեղրով, բուրավետ խնձորով միջուկ:
Պատրաստման հետ կապված նվազագույն դժվարություն և ճաշատեսակի առավելագույն հաճույք:
Կաթնաշոռով ձողիկներ խնձորով. Անհրաժեշտ բաղադրիչները
_ կաթնաշոռ 330 գ
_ խնձոր 1 հատ
_ ձու 1 հատ
_1 պտղունց աղ
_ շաքարավազ 2 ճաշի գդալ
_ թթվասեր 2 ճաշի գդալ
_ չամիչ 50 գ
_ ալյուր մոտ 280 գ
_ վանիլին ըստ ճաշակի
_ փխրեցուցիչ 1 թեյի գդալ
Կաթնաշոռով ձողիկներ խնձորով. Պատրաստման եղանակը
_ Կաթնաշոռը խառնել աղի, շաքարավազի, թթվասերի ու ձվի հետ։
_ Զանգվածն հարել մինչև ամբողջովին համասեռ դառնալը՝ ընկղմվող բլենդերով։
_ Ավելացնել փխրեցուցիչ և վանիլին ըստ ճաշակի։
_ Քաղցր խնձորը քերել խոշոր քերիչով և չամիչի հետ միասին լցնել զանգվածի մեջ, խառնել։
_ Ալյուրը մաղել, մաս-մաս լցնել զանգվածի մեջ, հունցել փափուկ և ճկուն խմոր։ Եթե զանգվածը շատ կպչուն է և ձևը չի պահում, կարելի է մի քիչ ալյուր ավելացնել։
_ Սեղանին ալյուր ցանել, խմորը բաժանել 3 մասի, գնդիկներ անել, դրանք ծածկել թաղանթով, որպեսզի չչորանան։
_Խմորի յուրաքանչյուր գնդիկը գրտնակել մոտ 5 — 7 մմ հաստությամբ, ձևավորել ուղղանկյուն և շերտերով կտրատել։
_ Ձողիկները մարմանդ կրակի վրա տապակել բուսայուղի մեջ, մինչև կարմրեն։
Բուրավետ, ախորժելի, փափուկ ձողիկներ կստանաք, ինչն իդեալական համեղ նախաճաշ է: Մատուցեք թթվասերի կամ մեղրի հետ:
Բարի ախորժակ:
Տեսանյութ
Կաթնաշոռով թխվածքաբլիթներ
