Հավանաբար, շատերը կհիշեն այնպիսի համեղ և սննդարար ուտեստ, ինչպիսին էր կաթնաշոռով ջեռեփուկը: Նախկինում այս ուտեստը տալիս էին երեխաներին դպրոցներում և մանկապարտեզներում: Ողջունելի է, որ մայրիկները հիմա էլ չեն անտեսում ջեռեփուկ պատրաստելու սովորությունը։
Սակայն անցյալը հիշողների կարծիքով՝ նախկինում ջեռեփուկն ավելի համեղ էր ստացվում։ Անհնար է հստակեցնել, արդյո՞ք այդպես է թե ոչ, բայց մի բան հաստատ է, այն ժամանակ ամեն ինչ պատրաստվում էր մաքուր և բնական մթերքներից:
Դե, իսկ եթե երբեք չեք փորձել նման ջեռեփուկ, ապա հետևեք մեր բաղադրատոմսին ու պատրաստեք ուտեստ, որը ձեր տատիկներին ու մայրիկներին կհիշեցնի իրենց երիտասարդ տարիները:
Նուրբ կաթնաշոռով ջեռեփուկ. Բաղադրությունը
_ կաթնաշոռ — 700 գ
_ աղ — մի պտղունց
_ շաքարավազ — 150 գ
_ վանիլային շաքար — 10 գ
_ եգիպտացորենի օսլա — 50 գ
_ թթվասեր — 200 գ
_ ձու — 5 հատ
Նուրբ կաթնաշոռով ջեռեփուկ. Պատրաստման եղանակը
_Ձվի սպիտակուցները պետք է առանձնացնել դեղնուցներից, կաթնաշոռը հարել ընկղմվող բլենդերով։
_Դեղնուցները լցնել կաթնաշոռային զանգվածի վրա, ավելացնել աղ, եգիպտացորենի օսլա և վանիլային և սովորական շաքարավազ։
_Բաղադրիչները հարել կաթնաշոռի հետ, հետո խառնել թթվասերի հետ։
_Սպիտակուցները պետք է հարել հարիչով, մինչև ստացվի սպիտակ փափուկ փրփուր։
_Սպիտակուցները զգուշորեն մաս-մաս լցնել կաթնաշոռի զանգվածի մեջ, խառնել՝ պահպանելով սպիտակուցների կառուցվածքը։
_Թխելու համար նախատեսված կաղապարը (20×20 սմ) յուղել կարագով։
_Կաթնաշոռային զանգվածը լցնել ձևամանի մեջ:
_Ջեռոցը տաքացնել 175 աստիճան, թխել մեկ ժամ։
Խորհուրդ ենք տալիս պատրաստ լինելուց կես ժամ առաջ կաղապարը ծածկել փայլաթիթեղով, որպեսզի վերևի մասը չայրվի։
Արդյունքում ստացվում է եթերային և Նուրբ կաթնաշոռով ջեռեփուկ։
Բարի ախորժակ:
Տեսանյութ
Տորթ առանց ջեռոցի Չիզքեյք
