Կարկանդակ Դրախտային խնձոր. Թեյի համար փափուկ, նուրբ, եթերային աղանդեր

Կարկանդակ Դրախտային խնձոր. Այնքան նուրբ է, որ ուղղակի հալչում է բերանում: Պարզապես փորձեք այն և ձեզ անպայման դուր կգա:

Կարկանդակ Դրախտային խնձոր. Հարկավոր են հետևյալ բաղադրիչները

_ դեղնուց 4 հատ

_ շաքարավազ 100 գ

_ մի պտղունց աղ

_ մի պտղունց վանիլին

_ ալյուր մոտ 380 գ

_ փխրեցուցիչ 1 տուփ

_ կարագ 200 գ

_ թթվասեր 150 գ

Միջուկը պատրաստելու համար

_ խնձոր 6 հատ

_ շաքարավազ 1 թեյի գդալ

_ դարչին 1 թեյի գդալ

_ սպիտակուց 6 հատ

_ կիտրոնի հյութ 1 ճաշի գդալ

_ շաքարավազ 120 գ

_ օսլա 30 գ

Կարկանդակ Դրախտային խնձոր. Պատրաստման եղանակը

_ Մաղած ալյուրը խառնել աղի և շաքարի հետ։ Սառը կարագը քերել և տրորելով փշրանքների վերածել։

_ Լցնել փխրեցուցիչը, վանիլինը՝ ըստ ճաշակի, ավելացնել դեղնուցներն ու թթվասերը, հունցել փափուկ խմոր։

_ Բաժանել երկու մասի, իսկ փոքրը 40 րոպեով դնել սառնարանում։

_ Ձվի սպիտակուցը խառնել կիտրոնի հյութի հետ և հարել։

_ Շաքարավազը մաս-մաս լցնելով հարել փարթամ ու պինդ զանգված։

_ Ձևամանը ծածկել յուղաթղթով, դնել խմորը, ձևավորել կողքերը։

_ Դնել խնձորի շերտերը, շաղ տալ շաքարավազն ու դարչինը, վրան լցնել հարած, սպիտակուցային զանգվածը, հարթեցնել։

_ Խմորի երկրորդ կտորը քերել սպիտակուցային զանգվածի վրա։

_ Թխել 180 աստիճան տաքացված ջեռոցում մոտ 20-30 րոպե։

Թխվածքը պարզապես հիանալի է ստացվում, նուրբ և փափուկ, քնքուշ բեզեով և ախորժելի, խնձորի համով։

Բարի ախորժակ:

Տեսանյութ

Գազարով տորթ