Կարկանդակ խաղողով. Անչափ գեղեցիկ ու նրբահամ քաղցավենիք

Եկեք պատրաստենք կարկանդակ խաղողով: Այն բաղկացած է շոկոլադային խմորով հիմքից, որը լցված է հատապտուղներով և թանձր կաթնային միջուկով, կառուցվածքով նման է ջեռեփուկի:

Հաճելի կարկանդակ է: Ինձ այն դուր եկավ ոչ միայն իր համով, այլև պատրաստման պարզությամբ և չծեծված բաղադրատոմսով:

Կարկանդակ խաղողով. Անհրաժեշտ բաղադրիչները

_Ալյուր — 145 գ

_Կակաոյի փոշի — 15 գ

_Փխրեցուցիչ — 1/3 թեյի գդալ

_Թթվասեր — 50 գ

_Կարագ (մարգարին) — 50 գ

_Շաքարավազ — 60 գ

_Աղ — 1 պտղունց

Լցոնի բաղադրիչները

_Կաթնաշոռ — 180-200 գ

_Կեֆիր — մոտ 120 մլ

_Շաքարավազ — 50 գ

_Վանիլային շաքար — 1 թեյի գդալ

_Ձու — 2 հատ

_1/2 կիտրոնի քերուկ

_Սպիտակաձավար — 50 գ

_Խաղող (ամուր, առանց կորիզների) — մոտ 350 գ

_Օսլա (ցանկացած) — 1/2 թեյի գդալ

Կարկանդակ խաղողով. Պատրաստման եղանակը

_Սենյակային ջերմաստիճանի կարագին ավելացնել շաքարավազ և մի պտղունց աղ, տրորել:

_Այժմ թթվասերը լցնել ամանի մեջ և խառնել այնքան, մինչ շաքարավազը սկսի հալվել, և զանգվածը շատ ջրիկանա:

_Ավելացնել ալյուր, կակաոյի փոշի և փխրեցուցիչ, խմոր հունցել: Ստացվում է չկպչող, հնազանդ, շատ հաճելի ու աշխատելու համար հարմար խմոր:

_Ձևամանի ներքևի մասում փռել յուղաթուղթի: Ձևավորեք խմորե ոչ բարձր զամբյուղ: Իմ ձևամանի տրամագիծը 23 սանտիմետր է:

_Դուք կարող եք պատրաստել լցոնումը և լցնել այն անմիջապես խմորի վրա, բայց ես առաջարկում եմ դա անել այլ կերպ:

_Կտրեք յուղաթղթից մի շրջան, որպեսզի ծածկի խմորով զամբյուղի ինչպես ներքևը, այնպես էլ կողմերը: Վերևից լցնել կերամիկական գնդիկներ կամ լոբի, որպեսզի զամբյուղը լցվի: Ի դեպ, ձեզ հարկավոր չէ ամեն անգամ գումար ծախսել և օգտագործել նոր լոբի: Իմ լոբին բազում անգամներ օգտագործել եմ: Ես այն պահում եմ պլաստիկ տարայի մեջ (խոհանոցի պահարանում):

_Զամբյուղը դնել 180 աստիճան տաքացրած ջեռոցում և թխել մոտ 14 րոպե:

_Այս ընթացքում պատրաստեք միջուկը: Լցնել կաթնաշոռն ամանի մեջ: Ավելացնել շաքար, վանիլային շաքար, սպիտակաձավար, կիտրոնի քերուկ և ձու, խառնել:

_Ավելացնել այնքան կեֆիր կամ կաթի սեր, որ միջուկը խտությամբ մոտ լինի նրբաբլիթի խմորին: Այս դեպքում պահանջվեց 120 միլիլիտր:

_Հանել ձևամանը: Մի անջատեք վառարանը: Հեռացնել լոբին և թուղթը:

_Ներքևի մասում ցանել օսլա, որպեսզի կապվի այն հատապտուղների հյութը, որոնք թխելու ընթացքում կպայթեն: Ներքևում շարել նախապես լվացված և չորացրած խաղողը: Վրան լցնել միջուկը, հարթեցնել:

_Ձևամանը կրկին դնել ջեռոցում և թխել մոտ 35 րոպե: Թխելու ռեժիմը նույնն է: Պատրաստի թխվածքի եզրերը պետք է կարմրեն:

Անպայման նկատի ունեցեք, որ խաղողը պիտի ամուր լինի: Չափազանց փափուկը կարող է ամբողջությամբ պայթել:

Կարկանդակ խաղողով. Հենց այն է, ինչ պետք է թեյի հետ վայելելու համար:

Բարի ախորժակ:

Տեսանյութ

Համեղ քաղցրավենիք երկու րոպեում