Իսկ դուք սիրո՞ւմ եք անուշահոտ, կիտրոնով կարկանդակ: Թեթև, թթու, հարուստ ցիտրուսային աղանդերին կսիրահարվեք առաջին իսկ պատառից: Մենք առաջարկում ենք նաև համտեսել այս նուրբ աղանդերը:
Կարկանդակը բավականին քաղցր է: Եթե թթու եք սիրում, ավելի քիչ շաքար օգտագործեք: Որքան էլ վախենաք գիրանալուց, չի կարելի անընդհատ ճնշել սեփական մարմինը: Համեղ հաճույքները լավ առողջության բանալին են, հիշեք սա:
Կիտրոնով կարկանդակ. Անհրաժեշտ բաղադրիչները
_Կարագ 200 գր
_Ցորենի ալյուր 400 գր
_Ձու 2 հատ
_Շաքարավազ 3 բաժակ
_Կիտրոն 2 հատ
_Խնձոր 3 հատ
_Ժելատին 1 տուփ (15 գր)
_Վանիլին 1 պտղունց
_Թթվասեր 100 մլ
Կիտրոնով կարկանդակ. Պատրաստման եղանակը
_Մի բաժակ փափկեցրած կարագը մանրացնել 2 բաժակ շաքարավազի հետ, ավելացնել փխրեցուցիչ, թթվասեր, կիտրոնի կեղևի քերուկ (կամ նարնջի), ձու և հարիչով հարել այնքան ժամանակ, մինչև շաքարն ամբողջությամբ լուծվի:
_Ալյուրը մաղել ամանի մեջ և խմոր հունցել: Եթե այն ջրիկ է ստացվում, մի փոքր ավելացնել ալյուրը:
_Ալյուր ցանել սեղանին և խմորը դնել վրան, բաժանել երկու մասի, մի մասը փաթաաթել սննդային թաղանթով, դնել սառցարանում, մյուսը հավասարապես տարածել ջեռոցի տապակի մեջ և ձևավորել կողքերը (ամանը պետք է յուղել կամ նախապես ծածկել յուղաթղթով): Թխել 180 աստիճանի տակ 15-20 րոպե:
_Պատրաստել միջուկը. Դրա համար կիտրոնների վրա եռման ջուր լցնել, կտրատել, հանել կորիզները և անցկացնել մսաղացով:
_Խառնել ժելատինը և մի բաժակ շաքար:
_Կանաչ խնձորները խոշոր խորանարդներով կտրատել:
_Հանել խմորը վառարանից, վրան ցանել օսլա, այնուհետև մանրացված խնձորը և ժելատինային — կիտրոնային խառնուրդը:
_Խմորի սառեցված մասը վրան քերել քերիչով:
_Նվազեցնել ջերմաստիճանը մինչև 170 և կարկանդակը կրկին դնել ջեռոցում 45-50 րոպեով:
_Թխել մինչև ոսկե դարչնագույն դառնա ՝ ատամի չոփիկով ստուգելով պատրաստ լինելը:
Կարկանդակը սառելուց հետո կարելի է կտրել և մատուցել:
Հաճույք պատճառեք ինքներդ ձեզ այս համեղ հյուրասիրությամբ:
Կիտրոնով կարկանդակը պատրաստ է:
Բարի ախորժակ
Տեսանյութ
Ելակով տորթ
