Կիտրոնով կեքս. Քնքուշ և բուրավետ թխվածքն այն է, ինչ ձեզ կարող է ուրախացնել
Այս բաղադրատոմսի համար ձեզ հարկավոր է միայն մեկ կիտրոն և միայն մեկ ձու, իսկ ջեռոցում թխվող կիտրոնի համով կեքսը ձեզ կուրախացնի իր համով: Հեշտ ու արագ պատրաստվող խմորեղենը ձեր հոգուն գոհություն կբերի:
Содержание
Կիտրոնով կեքս. Քնքուշ և բուրավետ թխվածք. Անհրաժեշտ բաղադրիչները
- Ալյուր — 260 գր
- Կաթ — 200 մլ
- Շաքար -150 գր
- Ձու -1 հատ
- Բուսական յուղ — 100 մլ
- Մի պտղունց աղ
- Փխրեցուցիչ -2 թեյի գդալ
- 1 կիտրոնի հյութ և քերուկ
Գլազուր
- Շաքարի փոշի -60 գր
- Կիտրոնի հյութ 1-2 ճաշի գդալ
Կիտրոնով կեքս. Քնքուշ և բուրավետ թխվածք. Պատրաստման քայլ առ քայլ եղանակը
- Մեկ ձուն հարել ամանի մեջ, ավելացնել շաքարավազը, լցնել կաթը և հարել: Ավելացնել 100 մլ բուսական յուղ, խառնել:
- Քերել մեկ կիտրոնի կեղևը և ավելացնել խմորին, լցրեք կես կիտրոնի հյութ և մի պտղունց աղ:
- Լցնել մաղած ալյուրը և փխրեցուցիչը, խառնել և խմորը պատրաստ է:
- Եթե ունեք սիլիկոնե ձևաման, այն պետք չէ յուղել, իսկ եթե այլ ձևամանում եք թխելու, ուրեմն այն պետք է ծածկել յուղաթղթով, նոր խմորը դնել ջեռոցը:
- Թխել 180 աստիճան տաքացրած ջեռոցում՝ 35-ից 45 րոպե, կախված ձեր սարքի յուրահատկություններից:
- Մինչ կեքսը թխվում է, պատրաստեք գլազուրը:
- Դրա համար կիտրոնի հյութը պետք է խառնել շաքարի փոշու հետ:
- Պատրաստի գլազուրը լցնել կեքսի վրա և թողնել սառչի:
Կիտրոնով կեքսը պատրաստ է: Վայելեք քնքուշ և բուրավետ թխվածք:
Բարի ախորժակ
Տեսանյութ
Զոլավոր բիսկվիթ
