Կոկոսի աղանդեր. Նրբահամ քաղցրաբլիթներ

Կոկոսի աղանդերը շատերի կողմից սիրված տնական թխվածքներից է: Մեր մայրերը փորձում էին ինքնուրույն պատրաստել մեզ համար տարբեր համեղ խմորեղեններ, որոնք գերազանցում էին իրենց համով նույնիսկ խանութներում այսօրվա քաղցրավենիքի բազմազանությանը: Համաձայնեք, որ դա այն ժամանակ հեշտ չէր, բայց, նրանք հեշտությամբ ելքեր էին գտնում:

Մենք սովոր ենք մուրաբայով, խտացրած կաթով կամ նույնիսկ չրով լցոնված աղանդերներ վայելել: Բայց նույնիսկ առանց լցոնման, այսպիսի պարզ թխվածքները պարզ լինելով՝ շատ համեղ են:

Ծանոթացեք այս մատչելի ու պարզ մթերքներով բաղադրատոմսին:

Կոկոսի աղանդեր. Անհրաժեշտ բաղադրիչները

_Ցորենի ալյուր 280 գ

_Շաքար 70 գ

_Կարագ 210 գ

_Ձվի դեղնուց 1 հատ

_Վանիլային շաքար 0,5 թեյի գդալ

_Կոկոսի փաթիլներ 100 գ

_Շաքարի փոշի՝ ըստ ճաշակի

Կոկոսի աղանդեր. Պատրաստման եղանակը

_Կոկոսի փաթիլները մանրացնել սրճաղացով կամ աղալ ցանկացած այլ հարմար տարբերակով:

_Այս փոշին խառնել ցորենի ալյուրի հետ: Հաջորդիվ ավելացնել խորանարդներով կտրատված փափուկ կարագը:

_Դրանից հետո խառնուրդին լցնել շաքարավազը և վանիլային շաքարավազը:

_Բաղադրությանը ավելացնել դեղնուցը, հարել և ձեռքերով հունցել խմորը:

_Թողնել այն սառնարանում 1 ժամ: Խմորը բաժանել երկու մասի: Մի մասը ուղղանկյունի նման գրտնակել, բաժանել քառակուսիների:

_Խմորի մյուս կեսն այդ ընթացքում պահել սառնարանում, որ չթուլանա:

_Խմորի քառակուսիները ոլորելով կիսալուսնի ձև տալ և շարել յուղաթղթով ծածկված ջեռոցի տապակի վրա:

_Թխել աղանդերը 200 աստիճանով՝ 20 րոպե:

Նույնը կրկնել խմորի երկրորդ մասի հետ: Սառեցնել պատրաստի աղանդերը, վրան ցանել շաքարի փոշի: Մատուցել թեյի հետ ձեր սիրելի ընտանիքին:

Կոկոսի աղանդերը պատրաստ է:

Բարի ախորժակ:

Տեսանյութ

Մեղրով շատ համեղ նրբահամ թխվածքաբլիթներ