Կոկոսով թխվածքաբլիթներ պատրաստելը շատ հեշտ է, նույնիսկ երեխան կարող է պատրաստել այն, այնպես որ հանգիստ կարող եք ընտրել թխվածքաբլիթների պատրաստումը որպես երեխաների հետ հաճելի ժամանցի տարբերակ:
Արդյունքում կստանաք գեղեցիկ սպիտակ գնդակներ` շատ նուրբ համով, բուրավետ և փափուկ: Եկեք սկսենք:
Կոկոսով թխվածքաբլիթներ. Անհրաժեշտ բաղադրիչներ
Բոլոր բաղադրիչները պետք է լինեն սենյակային ջերմաստիճանում:
_Կոկոսի փաթիլներ 240 գ
_Շաքար 100 գ (½ բաժակ, սպիտակ)
_Ձու 3 հատ
_Վանիլին ըստ ճաշակի
_Աղ 1 պտղունց
Յուղաթուղթ
Կոկոսով թխվածքաբլիթներ. Ինչպես պատրաստել
_Նախ, ձվերը շաքարով հարել մինչև հարթ վիճակի հասնի: Ստացվում է թեթև փրփուր, շաքարը պետք է ամբողջությամբ լուծվի: Ավելացնել աղ: Հետո վանիլին (կարելի է վերցնել հեղուկ վանիլին, մի քանի կաթիլ` հոտի համար):
_Ստացված զանգվածը պետք է խառնել կոկոսի հետ և մանրակրկիտ հունցել, որպեսզի զանգվածը չփլվի, դառնա միատարր և հնարավոր լինի գնդիկներ պատրաստել:
_Ջեռոցը նախապես տաքացնել 180C: Ջեռոցի տապակը պետք է ծածկել յուղաթղթով, բայց անհրաժեշտ չէ այն յուղել, քանի որ բլիթները բավականին լավ հանվում են կոկոսի յուղայնության պարունակության պատճառով):
_Մնում է պատրաստել բլիթներ արդյունքում ստացված կոկոսի զանգվածից: Սա լավագույնս հնարավոր է անել ձեռքերով, որպեսզի գնդիկները նույն չափի լինեն, և ամեն ինչ գեղեցիկ ստացվի:
_Դրանք պետք է տապակի վրա շարել միմյանցից բավականաչափ հեռավորության վրա (3-5 սմ) և դնել ջեռոցը 20 րոպե:
Թխուկները երկար չեն պահվում` 3-5 օրվա ընթացքում, այնպես որ չափից շատ մի պատրաստեք: Ավելի լավ է կրկին թխել և վայելել կոկոսի համն ու բույրը, որը թխելիս տարածվում է տնով մեկ:
Կոկոսով թխվածքաբլիթները պատրաստ են:
Պատրաստեք սիրով, մատուցեք` ուրախությամբ:
Բարի ախորժակ:
